Þessi grein birtist upphaflega í Stundinni fyrir meira en 6 árum.

Gísli hætti vegna skoðanamunar um kostnaðarsama útrás GAMMA

GAMMA opn­aði aldrei skrif­stof­una í Sviss sem var aug­lýst. For­stjór­inn og stofn­and­inn vildi um­deilda út­rás.

Gísli hætti vegna skoðanamunar um kostnaðarsama útrás GAMMA
Fylgismaður útrásar Gísli Hauksson, stofnandi og fyrrverandi forstjóri GAMMA, stóð á bak við útrás fyrirtækisins sem var dýr en virðist ekki hafa skilað árangri. Hann hætti hjá GAMMA meðal annars út af skoðanamun um þessa útrás. Mynd: GAMMA.is

Ein af ástæðunum fyrir því að Gísli Hauksson, fyrrverandi forstjóri og stjórnarformaður sjóðsstýringarfyrirtækisins GAMMA, hætti hjá fyrirtækinu í byrjun mars var kostnaðarsöm útrás fyrirtækisins til þriggja landa, Sviss, Bandaríkjanna og Bretlands.

Forstjóri GAMMA, Valdimar Ármann, hefur ekki viljað svara þeirri spurningu Stundarinnar hreint út af hverju Gísli hætti hjá fyrirtækinu en hann er annar af stofnendum þess og annar af stærstu hluthöfunum. Heimildir Stundarinnar herma hins vegar að útrás fyrirtækisins og kostnaðurinn við hana hafi verið ásteytingarsteinn innan fyrirtækisins þar sem Gísli var sá sem hvað helst stóð á bak við erlenda útrás fyrirtækisins.

GAMMA er sjóðsstýringarfyrirtæki með um 130 milljarða króna í stýringu í gegnum marga sjóði fyrir fjölda fjárfesta, stofnana- og fagfjárfesta, og hefur rekstur fyrirtækisins vakið mikla athygli á Íslandi á liðnum árum vegna stækkunar þess og vaxtar. GAMMA er einungis tíu ára gamalt fyrirtæki. Ekki liggur fyrir hverjir það eru sem eru á bak við einstaka sjóði hjá fyrirtækinu þar sem eigendur hlutdeildarskírteina í hinum ýmsu sjóðum þess eru ekki opinberir.

„Það var fyrirhugað að opna í Sviss en ákveðið að fara ekki lengra með það.“

Engin frekari útrás

Valdimar segir aðspurður að GAMMA ætli sér ekki í frekari útrás til annarra landa og að hætt hafi verið við að opna skrifstofuna í Sviss, nánar tiltekið í Zürich, eins og til stóð. Greint var frá opnun skrifstofunnar í Sviss á seinni helmingi síðasta átt og átti Helgi Bergs, fyrrverandi starfsmaður Kaupþings, að leiða starfsemi GAMMA í landinu. Heimilisfang GAMMA í Sviss stóð um tíma á heimasíðu GAMMA en ekki lengur. „Það var fyrirhugað að opna í Sviss en ákveðið að fara ekki lengra með það – eins og staðan er núna er ekki stefnt á opnun í öðrum löndum heldur er stefnan að byggja á skrifstofum okkar í London og New York,“ segir Valdimar í tölvupósti.

GAMMA mun því hægja á útþenslu sinni og hætta við hluta hennar. Á sama tíma hættir Gísli Hauksson hjá GAMMA.

Svara ekki um útrásina

Valdimar kaus að svara ekki þeirri spurningu Stundarinnar hvort stjórnendur GAMMA, hluthafar og sjóðsfélagar væru ánægðir með útrás GAMMA til annarra landa. „GAMMA er með skrifstofur í London og New York. Hvernig hefur sá rekstur gengið og er almenn ánægja með reksturinn hjá stjórnendum fyrirtækisins og hluthöfum?,“ spurði blaðið en fékk ekki svar.

Í nýlegu viðtali við Viðskiptablaðið sagði Valdimar hins vegar: „Það kostar sitt að vera með skrifstofur erlendis. Það er alveg ljóst.“ Valdimar sagði jafnframt að innlend starfsemi GAMMA hefði gengið mjög vel.

Stjórnarformaður GAMMA, Hlíf Sturludóttir, vildi heldur ekki svara spurningunni þegar eftir því var leitað: „Ég treysti mér bara ekki til að ræða það við þig núna.“ Nokkuð ljóst má telja að útrás GAMMA til annarra landa hefur ekki gengið sem skyldi.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Sjóðsstýringarfyrirtækið GAMMA

Ásgeir mælir gegn opinberu eignarhaldi  leigufélaga: „Hef ekki komið nálægt GAMMA síðan 2014“
Fréttir

Ás­geir mæl­ir gegn op­in­beru eign­ar­haldi leigu­fé­laga: „Hef ekki kom­ið ná­lægt GAMMA síð­an 2014“

Ás­geir Jóns­son, dós­ent í hag­fræði, hélt fyr­ir­lest­ur um leigu­fé­lög og hús­næð­is­mark­að­inn fyr­ir stærsta leigu­fé­lag lands­ins fyrr í dag. Hann var áð­ur efna­hags­ráð­gjafi GAMMA sem á eitt stærsta leigu­fé­lag lands­ins. Ás­geir seg­ist ekki hafa kom­ið ná­lægt GAMMA frá 2014 og að hann vinni ekki fast fyr­ir neina hags­mun­að­ila á leigu­mark­aðn­um í dag.
Stóra plan GAMMA: Ætla að græða á einkavæðingu og innviðum á Íslandi
ÚttektSjóðsstýringarfyrirtækið GAMMA

Stóra plan GAMMA: Ætla að græða á einka­væð­ingu og inn­við­um á Ís­landi

Sjóð­stýr­ing­ar­fyr­ir­tæk­ið GAMMA hef­ur stækk­að ört síð­ast­lið­in ár og teyg­ir starf­semi sína nú til fjög­urra landa. Starf­sem­in er far­in að líkj­ast starfi banka um margt þar sem fyr­ir­tæk­ið sæk­ir inn á lána­mark­að­inn. GAMMA er með sterk tengsl við Sjálf­stæð­is­flokk­inn og tal­ar fyr­ir auk­inni einka­væð­ingu og minnk­andi rík­is­af­skipt­um við upp­bygg­ingu inn­viða sam­fé­lags­ins.

Mest lesið

Júlía Margrét Alexandersdóttir
2
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár