Ólafur fundaði með ráðherra

Ólafur Haf­steinn Ein­ars­son fékk loks fund með dóms­mála­ráð­herra um vistun hans í fang­elsi vegna fötl­unar. Ráðherra vildi ekki lofa rann­sókn eða gefa út neinar yfir­lýs­ingar um fram­haldið.

Fundaði með ráðherra
Fundaði með ráð­herra Ólafur Haf­steinn Ein­ars­son fund­aði með Sigríði Á. Andersen dóms­mála­ráð­herra í síð­ustu viku. Mynd: Berglind Jónsdóttir/Landssamtökin Þroskahjálp

Dóms­mála­ráð­herra fund­aði með Ólafi Haf­steini Ein­ars­syni, ásamt Öryrkja­banda­lagi Íslands og Lands­sam­tök­unum Þroska­hjálp, þann 7. mars. Þar greindi Ólafur Sigríði Á. Andersen frá harð­ræði sem hann var beittur þegar hann var vistaður með föngum vegna þess að hann var fatl­aður, þótt hann hefði ekki framið neina glæpi. Hann og full­trúar þess­ara sam­taka fóru fram á að rann­sókn yrði hafin á þessum mála­flokki og hann fengi opin­bera við­ur­kenn­ingu á að brotið hefði verið á honum. Að sögn Ólafs var ráð­herra ekki fús til að gefa nein lof­orð, eða hefja rann­sókn að svo stöddu.

 Ólafur er öryrki með sam­setta fötlun, en hann er lög­blindur, floga­veikur og með væga þroska­hömlun. Á níunda ára­tugnum var Ólafur vistaður árum saman í kvenna­fang­els­inu Bitru á níunda ára­tugnum með öðrum fötl­uðum ein­stak­lingum sem deildu efstu hæð húss­ins með refsi­föngum. Þar varð Ólafur að eigin sögn fyrir miklu harð­ræði, bjó við hót­anir og and­legt ofbeldi, auk þess sem sjálf­ræði hans sem lög­ráða ein­stak­lingur var ekki virt.

„Ég sagði henni að sama hvernig hún myndi bregð­ast við að þá myndum við halda áfram að berj­ast fyrir þessu máli.“

Þann 8. febr­úar sendu Ólafur, ÖBÍ og Þroska­hjálp dóms­mála­ráð­herra bréf þar sem óskað var eftir fundi en erindi þeirra var ekki svarað fyrr en tæpum mán­uði síðar, þegar Stundin, Rúv og fleiri fjöl­miðlar höfðu fjallað um málið. Þá var þeim boðið á fund með ráð­herra 7. mars.

Að fundi loknum sagði Ólafur að fund­ur­inn hefði gengið vel, þótt engu hafi verið lofað hafi ráð­herra hlustað á sögu hans og fram­lengt fund­ar­tím­ann úr hálfum tíma í heilan. „Þetta komst til skila. Hún tók vel á móti okkur,“ sagði Ólafur. Aðspurður hvort ráð­herra hafi gefið ein­hverjar vænt­ingar um fram­haldið hafði Ólafur það eftir Sigríði að hún vildi frekar skoða stöð­una í dag en að líta til for­tíðar.  „Ég sagði henni að sama hvernig hún myndi bregð­ast við þá myndum við halda áfram að berj­ast fyrir þessu máli,“ segir Ólafur. „Við ætlum að halda áfram.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

2
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár