Þor­gerður Katrín Gunn­ars­dóttir, for­maður Við­reisnar, segir fáheyrt og stór­und­ar­legt að rík­is­stjórn hafi komið í veg fyrir að skýrslu­beiðni þing­manna hafi verið afgreidd. Skýrslu­beiðni um við­brögð við rann­sókn­ar­skýrslu Alþingis vegna falls íslensku bank­anna 2008 var til umræðu á þingi í dag, en atkvæða­greiðslu um beiðn­ina var frestað í lok jan­úar. Forseti Alþingis, Stein­grímur J. Sig­fús­son, sagð­ist mundu taka það til skoð­unar að setja skýrslu­beiðn­ina aftur á dag­skrá.

Beiðnin var lögð fram 24. jan­úar að frum­kvæði Björns Levís Gunn­ars­sonar, þing­manns Pírata, ásamt fleiri þing­mönnum stjórn­ar­and­stöð­unnar og unnin í sam­ráði við lög­fræð­inga á nefnda­sviði Alþingis. Óskað var eftir því að ráð­herra flytti Alþingi skýrslu um ábend­ingar er varða stjórn­sýsl­una og við­brögð við þeim sem fram koma í rann­sókn­ar­skýrslu Alþingis um aðdrag­anda og orsakir falls íslensku bank­anna 2008 ann­ars vegar og í skýrslu rann­sókn­ar­nefndar um aðdrag­anda og orsakir erf­ið­leika og falls spari­sjóð­anna hins vegar.

Bjarni Bene­dikts­son fjár­mála­ráð­herra og aðrir stjórn­ar­þing­menn lögð­ust þá gegn skýrslu­beiðn­inni, einkum á þeim grund­velli að skýrsl­unni væri ekki beint til rétts aðila og að ekki hefði farið fram kostn­að­ar­mat á því að svara þeim spurn­ingum sem fram koma. Þá væri það  ekki fjár­mála­ráðu­neyt­is­ins að taka saman efni á borð við það sem beðið er um í skýrslu­beiðn­inni.

„Það er fáheyrt, stór­und­ar­legt, að hér hafi hæst­virtur fjár­mála­ráð­herra og í raun­inni rík­is­stjórn Íslands komið í veg fyrir að skýrslu­beiðni væri afgreidd,“ sagði Þor­gerður Katrín á þingi í dag. „Þetta er fáheyrt og hefur ekki gerst í hátt í 30 ár að fram­kvæmda­valdið komi í veg fyrir það að lög­gjaf­ar­valdið afgreiði hér eðli­lega skýrslu­beiðni.“

Verði tekin aftur á dagskrá

„Ég verð að gera alvar­lega athuga­semd við afskipti ráð­herra af skýrslu­beiðni þing­manna, þeim dómi sem hann lagði á vinnu þing­manna og gæða­eft­ir­lit þings­ins,“ sagði Björn Leví. „Orð ráð­herra um skýrslu­beiðn­ina stand­ast ekki skoðun og þeir sem gagn­rýndu hafa á tæpum mán­uði ekki rök­stutt mál sitt á neinn hátt. Því legg ég fram að skýrslu­beiðn­irnar verði á ný settar á dag­skrá þings­ins.“

Mynd: Pressphotos.biz / Geiri

Björn Leví sagð­ist hafa beðið og ýtt á eftir hug­myndum um betrumbætur frá þeim sem kvört­uðu, en ekk­ert fengið. „Á meðan fór ég yfir málið með sér­fræð­ingum þings­ins, sem sögðu að kannski væri hægt að sér­stak­lega taka það fram að ráð­herra ætti auð­vitað bara að svara fyrir þær ábend­ingar sem að heyrðu undir hans verk­svið. Eitthvað sem ætti að segja sig sjálft. Engar aðrar athuga­semdir var að finna, enda er skýrslu­beiðnin fag­lega unnin með dyggri aðstoð frá sér­fræð­ingum þings­ins,“ sagði Björn Leví.

Að loknum umræðum undir liðnum „Um fund­ar­stjórn“ sagð­ist Stein­grímur J. Sig­fús­son, for­seti Alþingis, ætla að taka það til skoð­unar að setja skýrslu­beiðn­ina aftur á dag­skrá þings­ins. Enginn annar stjórn­ar­þing­maður tók til máls um þetta atriði.

Hér má sjá skýrslubeiðnina í heild:

Með vísan til 54. gr. stjórn­ar­skrár­innar og 54. gr. laga um þing­sköp Alþingis er þess óskað að fjár­mála- og efna­hags­ráð­herra flytji Alþingi skýrslu um ábend­ingar sem varða stjórn­sýsl­una og við­brögð við þeim sem fram koma í rann­sókn­ar­skýrslu Alþingis um aðdrag­anda og orsakir falls íslensku bank­anna 2008 ann­ars vegar og í skýrslu rann­sókn­ar­nefndar um aðdrag­anda og orsakir erf­ið­leika og falls spari­sjóð­anna hins vegar.

Í skýrsl­unni verði sam­an­tekt á ábend­ingum þeim til stjórn­sýsl­unnar sem settar eru fram í skýrsl­unum og fjallað verði m.a. um:

    1.      hversu margar ábend­ingar koma fram sem beint er til stjórn­sýsl­unnar,      

    2.      hverjar þær ábend­ingar eru,

    3.      hvernig brugð­ist hefur verið við þeim og

    4.      hvaða ábend­ingum hefur ekki enn verið brugð­ist við.

Í þeim til­vikum sem brugð­ist hefur verið við ábend­ingum er óskað eftir að upp­lýst verði:

    1.      hvernig tryggt hafi verið að þeim hafi verið og verði fylgt eftir,

    2.      hver hafi verið til­nefndur ábyrgð­ar­að­ili og

    3.      hvernig ráð­herra hygg­ist fylgja eftir ábend­ingum þar sem ekki hefur verið til­nefndur ábyrgð­ar­að­ili.

Óskað er eftir tæm­andi lista yfir þær ábend­ingar sem ráð­herra hyggst ekki bregð­ast við ásamt ástæðum þess og mati ráð­herra á þeim árangri sem eft­ir­fylgni hefur haft í för með sér og hvernig sá árangur er mældur.

Að lokum er farið fram á að ráð­herra geri grein fyrir þeim breyt­ingum sem hafa orðið á starf­semi banka og spari­sjóða í kjöl­far ábend­inga úr rann­sókn­ar­skýrslu Alþingis.