Tengsl Krist­jáns Þórs Júl­í­us­sonar sjáv­ar­út­vegs­ráð­herra og Þor­steins Más Bald­vins­sonar, for­stjóra Samherja, eru það mikil að þeir flokk­ast sem „nánir vinir“ í skiln­ingi stjórn­sýslu­laga. Þetta má lesa út úr stjórn­sýslu­lögum og túlk­unum fræði­manna á hæf­is­reglum þeirra.

Um tengsl sín við for­svars­menn Samherja hefur Kristján Þór sagt að hann hafi:  „... þekkt suma af helstu for­svars­mönnum fyr­ir­tæk­is­ins frá því að við vorum ungir menn“. Kristján Þór og Þor­steinn Már þekkj­ast hins vegar það vel að þeir hafa í gegnum árin sést á götum Reykja­víkur saman. Þessi vina­tengsl skipta máli þegar hæfi Krist­jáns Þórs í málum tengdum Samherja er metið.

Í stjórn­sýslu­lögum er ekki kveðið á um það með beinum og skýrum hætti að ráða­maður sem er vinur máls­að­ila megi ekki koma að opin­berri ákvarð­ana­töku sem teng­ist hags­munum þessa vinar hans. Þar er fyrst og fremst talað um blóð­tengsl og eða mægðir sem ástæður van­hæfis: „Starfs­maður eða nefnd­ar­maður er van­hæfur til með­ferðar máls. …