Brynjar settur af sem formaður stjórnskipunar- og eftirlitsnefndar

Brynjar Níelsson, þing­maður Sjálf­stæð­is­flokks­ins, hefur verið settur af sem for­maður stjórn­skip­unar- og eft­ir­lits­nefndar. Meiri­hluti nefnd­ar­innar kom sér saman um þetta í morgun og var til­kynnt um málið í upp­hafi opins fundar með dóms­mála­ráð­herra sem nú stendur yfir. Jón Steindór Valdi­mars­son, þing­maður Við­reisnar, er nýkjör­inn for­maður nefnd­ar­innar og Svandís Svav­ars­dóttir, þing­kona Vinstri grænna, er vara­for­maður. 

Brynjar hefur, sem for­maður nefnd­ar­innar, lagt mikla áherslu á að upp­lýs­ingar um upp­reist æru dæmdra manna fari leynt og tjáð sig opin­skátt um málin í fjöl­miðlum. Eins og Stundin hefur fjallað um er einn af með­mæl­endum kyn­ferð­is­brota­manns­ins Roberts Downey vinur Brynjars til margra ára. Þá átti Brynjar, sem lög­maður, fund með barn­a­níð­ingnum Hjalta Sig­ur­jóni Hauks­syni eftir að hann var ákærður fyrir kyn­ferð­is­brot gegn stjúp­dóttur sinni á sínum tíma. Brynjar var verj­andi barn­a­níð­ings sem fékk upp­reist æru árið 2010 og vís­aði því rang­lega á bug í byrjun ágúst að hafa starfað fyrir sama nekt­ar­dans­stað og Robert Downey. Hann hefur lagst ein­dregið gegn því að stjórn­skip­unar- og eft­ir­lits­nefnd rann­saki emb­ætt­is­færslur ráð­herra í þeim málum sem leiddu til þess að rík­is­stjórnin féll.