Þór­hildur Sunna Ævars­dóttir, þing­kona Pírata, hefur farið fram á að Bergi Þór Ing­ólfs­syni, föður eins af brota­þolum Roberts Downey, verði boðið á opinn fund alls­herjar- og mennta­mála­nefndar um veit­ingu upp­reist æru sem fram fer á mið­viku­dag­inn. 

„Það er löngu orðið tíma­bært að Alþingi hlusti á þolendur og aðstand­endur þeirra, öfugt við það sem alltof lengi hefur tíðkast,“ segir Þór­hildur í sam­tali við Stundina. Hún segir stjórn­ar­meiri­hlut­ann á Alþingi hafi brugð­ist í máli Roberts Downey. Brota­þolar og aðstand­endur þeirra hafi rek­ist á vegg þegar óskað var upp­lýs­inga um málið og þing­menn meiri­hlut­ans hafi forð­ast að taka málið til gagn­gerrar umræðu.

„Þessu þarf að breyta. Alþingi verður að hlusta á brota­þola og aðstand­endur, öfugt við það sem meiri­hlut­inn hefur gert hingað til í þessu máli,“ segir hún. Eðlilegt fyrsta skref sé að rödd Bergs Þórs, fái að heyr­ast á fundi þing­nefnd­ar­innar, enda hafi fram­lag hans, sem aðstand­anda brota­þola, til umræð­unnar um upp­reist æru verið mik­il­vægt.

Að því er fram kemur á vef Alþingis verða Sigríður Á. Andersen dóms­mála­ráð­herra auk full­trúa dóms­mála­ráðu­neyt­is­ins gestir fund­ar­ins.

Bergur segir í sam­tali við Stundina að hann muni þiggja að verða þriðji gestur nefnd­ar­innar, en ann­ars mæti hann á opna fund­inn og fylgist með. 

Mikil reiði bloss­aði upp í vor eftir að greint var frá því að kyn­ferð­is­brota­mað­ur­inn Robert Downey hefði fengið upp­reist æru og öðl­ast lög­manns­rétt­indi á ný. Robert var dæmdur í þriggja ára fang­elsi árið 2008 fyrir að brjóta gegn fjórum stúlkum, einni sem var fjórtán ára þegar brotin voru framin og þremur sem voru fimmtán ára. Hann komst í sam­band við stúlk­urnar með blekk­ingum og tældi þær til kyn­maka með pen­inga­gjöfum. Árið 2010 var hann dæmdur á ný fyrir brot gegn fimmtu stúlkunni án þess að honum væri gerð refs­ing í því máli. Ólöf Nordal, þáver­andi inn­an­rík­is­ráð­herra, lagði til við for­seta Íslands þann 14. sept­em­ber 2016 að Robert fengi upp­reist æru og óflekkað mann­orð en bréfið var und­ir­ritað af Guðna Th. Jóhann­essyni for­seta tveimur dögum síðar og öðl­að­ist þá form­legt gildi. 

Stundin greindi svo frá því á föstu­dag að sama dag­inn hefði maður, sem dæmdur var árið 2004 fyrir að nauðga stjúp­dóttur sinni nær dag­lega frá því hún var um 5 ára gömul þar til hún var tæp­lega 18 ára, fengið upp­reist æru.

Um er að ræða þyngsta dóm sem fallið hafði vegna kyn­ferð­is­brota gegn barni á þessum tíma, en Hæsti­réttur taldi ein­sýnt að mað­ur­inn hefði gerst sekur um „grófa kyn­ferð­is­lega mis­notkun gagn­vart kær­anda sem stóð yfir í langan tíma, eða um 12 ár allt frá unga aldri hennar“.

Fram kom í við­tali við Þórhildi Sunnu á Vísi.is í gær að Áslaug Arna Sig­ur­björns­dóttir, for­maður alls­herjar- og mennta­mála­nefndar, hefði tjáð nefnd­ar­mönnum að ekki mætti ræða efn­is­lega um máls­með­ferð­ina þegar Robert Downey var veitt upp­reist æru á fund­inum sem fram fer á mið­viku­dag, enda yrði fund­ur­inn opinn. Þór­hildur segir í sam­tali við Stundina að hún bíði nú eftir rök­stuðn­ingi fyrir þessu.