Þessi grein birtist upphaflega í Stundinni fyrir meira en 7 árum.

Tíu þúsund manns skrifað undir áskorun til Útlendingastofnunar

Út­lend­inga­stofn­un ákvað að veita far­lama föð­ur og ell­efu ára dótt­ur hans ekki áheyrn og hef­ur vís­að þeim til Þýska­lands á grund­velli Dyfl­inn­ar­reglu­gerð­ar­inn­ar. Rúm­lega 10 þús­und manns hafa skor­að á Út­lend­inga­stofn­un að veita af­gönsku feðg­in­un­um áheyrn.

Tíu þúsund manns skrifað undir áskorun til Útlendingastofnunar
Í afmælisveislunni Feðginin voru að vonum mjög kát með afmælisveisluna sem lukkaðist vel.

Útlendingastofnun synjaði að taka hælisumsókn feðginanna Abrahims Maleki og ellefu ára gamallar dóttur hans, Hanyie, til efnismeðferðar. Feðginin eru afgönsk og þurftu að leggja í hættulega för til að komast hingað til lands. Þá glímir Abrahim við bæklun á fæti sem hefur það í för með sér að litla stúlkan hefur þurft að annast föður sinn og sjá um húsverk og annað heimilishald. Rúmlega 10 þúsund undirskriftir hafa safnast þar sem krafist er að feðginin fái áheyrn hjá stjórnvöldum

Abrahim Maleki og ellefu ára gömul dóttir hans, Hanyie, geta átt von á því að verða send úr landi hvenær sem er. Útlendingastofnun hafnaði því að veita feðginunum efnismeðferð og staðfesti kærunefnd útlendingamála þá niðurstöðu. Stundin fjallaði ítarlega um sögu og stöðu feðginanna.

Fyrir undirskriftasöfnuninni standa Solaris, hjálparsamtök fyrir hælisleitendur og flóttafólk á Íslandi og hafa þegar fréttin er skrifuð 10,697 undirskriftir safnast. „Við biðlum til ykkar að aðstoða okkur með að skora á stjórnvöld að hætta að misnota Dyflinnarregluna, virða mannréttindi og veita Abrahim og Hanyie áheyrn í þeirra máli. Þau hafa mátt þola nóg,“ segir meðal annars í áskoruninni.

Vísað brott þrátt fyrir viðkvæma stöðu

Útlendingastofnun hafnaði því, sem fyrr segir, að taka umsókn Abrahims og Hanyie um alþjóðlega vernd á Íslandi til efnismeðferðar. Var sú ákvörðun staðfest af kærunefnd útlendingamála. Niðurstaða stofnunarinnar var sú að Abrahim og Hanyie væru ekki talin í sérstaklega viðkvæmri stöðu. Þau skyldu yfirgefa Ísland og bæri að senda þau til Þýskalands.

Hins vegar komst kærunefnd útlendingamála að þeirri niðurstöðu að feðginin væru í sérstaklega viðkvæmri stöðu. Þrátt fyrir það var ekki fallist á að taka mál þeirra til efnismeðferðar. Þau geta því átt von á því að verða flutt á brott hvenær sem er á næstu dögum, en þeim var tilkynnt að þau yrðu látin yfirgefa landið í síðasta lagi þann 19. júlí, fyrir rúmum tveimur vikum síðan.

300 manns mættu í afmælisveislu Hanyie

Í ljósi þess að feðginunum bíða þau örlög að vera send úr landi var ákveðið að láta heitustu ósk Hanyie rætast, að fá að halda upp á afmælið sitt hér á landi. Veislan fór fram í síðustu viku en Hanyie á afmæli í október. Þetta gekk von­um fram­ar og var al­veg æðis­legt. Það var mik­ill stuðning­ur og kær­leik­ur,“ sagði Guðmund­ur Karl Karls­son, einn skipu­leggj­enda veislunnar við mbl.is.

Mikill fjöldi manns mætti í veislunna sem haldin var á Klambratúni. Ókunnugir og vinir færðu Hanyie góðar gjafir en hún fékk til dæmis Iphone-síma og um 600 þúsund krónur. Það mun­ar auðvitað því­líkt um það, sér­stak­lega þegar maður á ekki neitt,“ sagði Guðmund­ur við mbl.is. „Það er klárt mál að þetta er pen­ing­ur sem mun nýt­ast vel.“

Líklega send til Afganistan

Fyrir fjórum vikum var á grundvelli Dyflinnarreglugerðarinnar ákveðið að senda feðginin til Þýskalands. Þar er nærfullvíst að þau verði send til Afganistan. Þar á Hanyie engin tengsl önnur en þjóðerni foreldra sinna og hefur aldrei búið þar. Hún var fædd í flóttamannabúðum í Íran árið 2005 en móðir hennar yfirgaf hana ári síðar. Allt sitt líf hefur hún verið á flótta og hefur hann oft reynst háskalegur. Þá hefur Abrahim verið á flótta í nærfellt tvo áratugi. Þau óska þess einskis frekar en að fá að fá hæli hér á landi.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Drengir kvörtuðu undan kennara og var meinað að sitja kennslustundir
6
Úttekt

Dreng­ir kvört­uðu und­an kenn­ara og var mein­að að sitja kennslu­stund­ir

Tólf ára gaml­ir dreng­ir leit­uðu til skóla­stjóra vegna meints of­beld­is af hálfu kenn­ara. Í kjöl­far­ið var þeim mein­að að sitja kennslu­stund­ir hjá kenn­ar­an­um. Ann­ar baðst af­sök­un­ar eft­ir tvær vik­ur og fékk þá að koma aft­ur í tíma. Hinn sætti út­skúf­un í tvo mán­uði, áð­ur en skól­an­um var gert að taka dreng­inn aft­ur inn í tíma. For­eldr­ar drengs­ins segja kerf­ið hafa brugð­ist barn­inu og leit­uðu að lok­um til lög­reglu.

Mest lesið

Mest lesið í vikunni

Siðferðisspurningar vakna vegna uppbyggingar Andra og Birgis
4
Fréttir

Sið­ferð­is­spurn­ing­ar vakna vegna upp­bygg­ing­ar Andra og Birg­is

Fjár­fest­ar sem eru sak­að­ir um að hafa milli­göngu um iðn­að­ar­njósn­ir fyr­ir millj­arða­mær­ing­inn Björgólf Thor Björgólfs­son vilja reisa þétt­býlt hverfi í um tveggja kíló­metra fjar­lægð frá vatns­vernd­ar­svæði höf­uð­borg­ar­svæð­is­ins. Svo virð­ist sem eng­in krafa sé uppi um sið­ferði fjár­festa þeg­ar kem­ur að Kópa­vogs­bæ.

Mest lesið í mánuðinum

Mest lesið í mánuðinum

Nýtt efni

Mest lesið undanfarið ár