Donald Trump banda­ríkja­for­seti hefur lagt til að sér­stakar bætur sem ætl­aðar eru til hús­hit­unar fyrir lág­tekju­fólk verði með öllu aflagður. Segir for­set­inn að stuðn­ing­ur­inn sé langt í frá nauð­syn­legur auk þess sem spill­ing og bóta­svik grass­eri þar sem farið er með opin­bert fé. Fólk þurfi engar áhyggjur að hafa af því að það verði skilið eftir úti í kuld­anum þar sem það sé óhugs­andi að veitu­kerfin skrúfi fyrir hita til við­skipta­vina sinna yfir miðjan vet­ur­inn. Nið­ur­skurð­ur­inn yrði liður í áætlun for­set­ans um að skera niður hverskyns aðstoð til fátæk­ari Banda­ríkja­manna.

Grein­ar­höf­undur Independent bendir á að for­set­inn gæti ekki haft meira rangt fyrir sér. Hús­hit­un­ar­bæt­urnar séu algjör­lega lífs­nauð­syn­legar fólki sem til­heyrir lág­tekju­hópum, svo sem elli­líf­eyr­is­þegum. Hann bendir jafn­framt á að emb­ætt­is­menn sjái engin merki þess að spill­ing grass­eri í tengslum við útdeil­ingu bót­anna. Þá fari það eftir við­mið­unr­ar­reglum í hverju ríki fyrir sig hvort veitu­fyr­ir­tækin geti skrúfað fyrir hita hjá þeim sem borga ekki, auk þess sem slíkar við­mið­un­ar­reglur eigi ekki við í þeim til­vikum þar sem er hitað upp með olíu, sem er til dæmis algengur orku­gjafi í ríkjum Nýja Englands á norð­aust­ur­horni Banda­ríkj­anna.