Forseti sænska þings­ins sagði á föstu­dag að hann hefði falið Magda­lenu And­ers­son, leið­toga jafn­að­ar­manna, að reyna á ný að mynda rík­is­stjórn. Fyrri til­raun hennar hafði farið út um þúfur nokkrum dögum áður.

Andreas Norlen sagði að And­ers­son ætti að gera honum grein fyrir stöð­unni fyrir 12. októ­ber.

„Á grund­velli þeirra sam­tala sem ég hef átt hef ég ákveðið að fela Magda­lenu And­ers­son, leið­toga Jafn­að­ar­manna­flokks­ins, að halda áfram könn­un­ar­við­ræðum um stjórn­ar­myndun,“ sagði Norlen á blaða­manna­fundi.

Miðju- og vinstri­flokk­arnir í stjórn­ar­and­stöðu fengu 176 þing­sæti í kosn­ing­unum 13. sept­em­ber, en hægri­flokk­arnir undir for­ystu Ulfs Kristers­son, frá­far­andi for­sæt­is­ráð­herra, fengu 173. Sví­þjóð­ar­demókrat­arnir, sem eru and­vígir inn­flytj­endum, eru í hópi hægri­flokk­anna.

Norlen fól And­ers­son fyrst að hefja stjórn­ar­mynd­un­ar­við­ræður 18. sept­em­ber. Hún gafst upp 28. sept­em­ber eftir að henni tókst ekki að sam­eina hina þrjá flokk­ana í sínum hópi vegna djúp­stæðs hug­mynda­fræði­legs ágrein­ings.