Þjóðkirkjan gerir alvarlegar athugasemdir við stofnun lóðarinnar Hvítasands innan jarðarinnar Þórustaða í Önundarfirði, þar sem félag á vegum athafnafólksins Runólfs Ágústssonar og Áslaugar Guðrúnardóttur hyggst reisa glæsileg baðlón. Lóðin er í Önundarfirði og er deilan um landamerki á svæðinu ríflega aldargömul. Dómkvaddur matsmaður hefur verið fenginn til þess að úrskurða um þessa deilu sem má rekja til ársins 1909.

„Vonandi verður nú hægt að leysa þetta á næstunni,“ segir Eiríkur Guðlaugsson, lögmaður kirkjunnar, sem undirritar mótmæli kirkjunnar sem voru lögð fyrir skipulags- og mannvirkjanefnd Ísafjarðarbæjar þann 30. júní síðastliðinn.

Langvarandi ágreiningur

Í greinargerð lögmannsins segir að bænum sé vel kunnugt um langvarandi ágreining sem hafi staðið á milli Holts, sem er kirkjujörðin, og Þórustaða um mörk jarðanna. Úr þeim ágreiningi hafi ekki enn verið skorið úr.

Teikningar af baðlóniHér má sjá teikningar sem finna má í gögnum bæjarins um baðlónið.

Í samtali við Heimildina segir Eiríkur að með því …