„Við munum ákveða framtíð okkar sjálf,“ segir Aqqalukkuluk Fontain en hann efndi til mótmæla í dag fyrir framan nýja staðsetningu bandarísku ræðisskrifstofunnar á Grænlandi sem var opnuð í Nuuk í dag. Blaðamaður Heimildarinnar fylgdist með mótmælunum sem fóru fram á einum sólríkasta degi ársins en fleiri þúsundir komu saman. Samstaðan var mikil og skilaboðin skýr: „Farið heim, Bandaríkin!“

Fontain segir stöðuna á Grænlandi undanfarið hafa róast aðeins miðað við í upphafi árs þegar Donald Trump Bandaríkjaforseti sagðist vilja taka landið yfir. Síðastliðin vika hefur þó kveikt undir ákveðnum neista að nýju en Jeff Landry, ríkisstjóri Louisiana og sérstakur erindreki Trumps á Grænlandi, heimsótti Nuuk fyrr í vikunni við dræmar undirtektir heimamanna.

„Ég er hér til að segja nei við stórri bandarískri ræðisskrifstofu,“ sagði Malik Dollerup Scheibel, mótmælandi sem blaðamaður tók tali. „Bara þótt það geti verið hér, þýðir það ekki að það eigi að vera hér.“ Scheibel sagðist ósáttur við …