Bandaríski fréttamiðillinn New York Times hefur eftir nafnlausum heimildum innan NATO að til umræðu sé að Bandaríkin fái litlar landspildur af Grænlandi.
Donald Trump Bandaríkjaforseti venti kvæði sínu í kross í dag þegar hann sagðist ekki ætla að ráðast á Grænland og bakkaði með fyrirætlanir um að leggja 10% og 25% tolla á Evrópuríki sem hafa stutt fullveldi og sjálfsákvörðunarrétt Grænlands andspænis ásælni hans.
Í umfjöllun New York Times kemur fram að framkvæmdastjóri NATO, Mark Rutte, sem þykir hafa góð tengsl við Trump, hafi ýtt hugmyndinni áfram. Tveir embættismannanna, sem sátu fundinn, líktu þessu við herstöðvar Bretlands á Kýpur, sem eru taldar breskt yfirráðasvæði. Fram kom að óljóst væri hvort þetta væri hluti rammasamkomulagsins sem Trump sagði hafa verið komið á.
Þegar beðið var um umsögn um samninginn og innihald hans sagði NATO í yfirlýsingu að „viðræður milli Danmerkur, Grænlands og Bandaríkjanna munu halda áfram með það að markmiði að tryggja að Rússland og Kína nái aldrei fótfestu – hvorki efnahagslega né hernaðarlega – á Grænlandi.“
Dönsk yfirvöld hafa ekki svarað fjölmiðlum um samkomulagið, sem liggur fyrir að á eftir að útfæra.
Í gærkvöldi snæddu bandarískir þingmenn úr flokki Repúblikana köku í líki Grænlands, skreytta bandaríska fánanum. Þá fékk einn þingmannanna, Andy Ogles, verðlaun um kvöldið fyrir tillögu sína um að gera Donald Trump kleift að sækjast eftir þriðja kjörtímabili, sem er óheimilt samkvæmt stjórnarskrá í dag. Þingkonan Anna Paulina Luna, sem situr í fulltrúadeildinni fyrir Repúblikanaflokkinn úr Flórída, birti mynd af kökunni.
Athugasemdir (4)
Grænlandsmálið
Danski herinn var í viðbragðsstöðu fyrir árás Bandaríkjanna á Grænland
Forsætisráðherra Grænlands: „Ég verð að trúa“
Jón Trausti Reynisson
Fallnir á fullveldisprófinu
Grænlendingar svara fyrir sig: „Trump veit ekki hvernig mér líður“
Trump segir samning í höfn um Grænland
> **NATO hafi ekkert umboð til samninga**
> Þingkona Inuit Ataqatigiit á danska þjóðþinginu segir Atlantshafsbandalagið ekki hafa neinn rétt til að semja fyrir hönd Grænlands án aðkomu Grænlendinga.
>
> „Atlantshafsbandalagið hefur ekkert umboð til að semja um eitt né neitt án okkar Grænlendinga. Ekkert um okkur, án okkar. Og að Atlantshafsbandalagið eitthvað að segja um okkar land og málma er gjörsamlega út í hött,“ skrifar Aaja Chemnitz að því er Sermitsiaq greinir frá.
þetta "framework of a future Greenland deal" er hugsanlega hreinn uppspuni til þess að flagga sem einhverskonar sigri nú þegar bakkað hefur verið með innlimunarvegferð Grænlands, ałlavega um sinn, og í besta fałli eitthvað smjaður spjałl Donalds við Mark Rutte, þó að Løkke segist hafa rætt við Rutte líka, Donald er svo gott sem búinn að jarða samband Bandaríkjanna við Grænlendinga og Dani, það er erfitt að ímynda sér að Bandaríkin fái nokkur sérkjör umfram það sem þeim stóð nú þegar til boða
ałlavega benda skrif Aaja Chemnitz sterklega til þess að það að einhver sigurdíłl sé í sjónmáli fyrir Donald og stjórn hans sé hrein og bein lygi