Veröld valdsins eftir fall hugsjónanna

Benjamín Net­anjahú, for­sæt­is­ráð­herra Ísraels, teikn­aði upp heims­mynd sína og heim­speki á fundi með blaða­mönnum í vik­unni, mitt í inn­rás Ísraels í Líbanon, loft­árásum á Íran og vax­andi útþenslu land­nema­byggða Ísraela á svæðum Palest­ínu­manna, í kjöl­far eyð­ingar á meiri­hluta hús­næðis og inn­viða á Gazasvæðinu.

Net­anjahú vildi sýna fram á að frá­sagnir af dauða hans væru orðum auknar og færa fram sína sýn á aðgerð­ina „Öskrandi ljón“, sem er heitið á Írans­stríði Ísraela, og boð­aði því til fyrsta blaða­manna­fund­ar­ins á ensku eftir upp­haf stríðs­ins.

Til­gang­ur­inn var hins vegar að lýsa virkni heims­ins, þar sem mann­legar upp­finn­ingar -hug­myndir okkar um rétt og rangt - víkja fyrir hreinu afli, sem rennir stoðum undir heims­sögu­legan darwínisma eða frum­skóg­ar­lög­máli. Eins og oft í líf­inu og heims­sög­unni tog­ast á frum­reglur um átök eða sam­vinnu, en nú eru átökin orðin ofan á.

„Stríðs­glæpa­maður“ og „villi­menn“

Hinn 76 ára gamli Net­anyahu hefur lengi átt sér þann draum að ráða nið­ur­lögum klerka­stjórn­ar­innar í Íran, sem hefur ítrekað hótað ger­eyð­ingu Ísraels. Mál gegn honum hefur verið opnað fyrir Alþjóða­glæpa­dóm­stólnum í Haag þar sem hann er „tal­inn bera ábyrgð á stríðs­glæpum sem fel­ast í notkun hung­ursneyðar sem stríðs­að­ferðar og að beina árásum af ásettu ráði gegn almennum borg­urum; og glæpum gegn mann­kyni sem fel­ast í morðum, ofsóknum og öðrum ómann­úð­legum athöfnum frá að minnsta kosti 8. októ­ber 2023 til að minnsta kosti 20. maí 2024.“

Sjálfur sér hann þó sig og Donald Trump sem bjarg­vætti sið­menn­ingar and­spænis villi­mönnum. „Vitið þið, ef fólk vill vera barna­legt, þá sér það ekki hvers konar heimi við búum í,“ sagði Net­anjahú við blaða­menn og hélt svo áfram.

Í heims­mynd Net­anja­hús er geta til hern­aðar lyk­ill­inn og sið­ferð­is­leg staða kemur síðar. Heim­spekin minnir um margt á þær kenn­ingar um heim­inn sem Stephen Miller, hægri hönd og þjóðar­ör­ygg­is­ráð­gjafi Donalds Trump Banda­ríkja­for­seta, færði fram á sama tíma og hann rök­færði yfir­töku Banda­ríkj­anna á Græn­landi. Í stað þess að horfa til sam­starfs NATO-þjóða á jafn­ræð­is­grund­velli, sagði hann að Banda­ríkin væru „valdið í NATO“. „Við lifum í veru­leik­anum, raun­veru­leik­anum, sem er stýrt af styrk, sem er stjórnað með afli, sem er stjórnað með valdi,“ sagði hann. „Þetta eru járn­lög heims­ins frá upp­hafi tíma.“

Jesús eigi ekki roð í Genghis Khan

Net­anjahú, rétt eins og Miller og yfir­maður hans, Donald Trump, boðar raun­sæ­is­stefnu eða real­isma sem gengur út á að hið hráa vald ráði för. Það er að segja, getan til vald­beit­ingar ræður en ekki reglur sem sam­fé­lag manna búa til um boð og bönn.

„Í þessum heimi er ekki nóg að vera sið­ferð­is­legur. Það er ekki nóg að vera rétt­látur. Það er ekki nóg að hafa rétt fyrir sér. Einn af merk­ustu rit­höf­undum 20. aldar, maður sem ég dáist mikið að, var sagn­fræð­ing­ur­inn Will Durant. Hann skrif­aði mörg bindi. Ég hef lesið flest þeirra. Hann skrif­aði einnig „Lærdóma sög­unnar“, mjög stutta, 100 blað­síðna bók, þar sem hann sagði að sagan sann­aði því miður að Jesús Kristur hefði ekk­ert for­skot á Gengis Khan. Því ef þú ert nógu sterkur, nógu mis­kunn­ar­laus, nógu valda­mik­ill, mun illskan sigra gæsk­una. Árás­ar­girni mun sigra hóf­semi,“ sagði Net­anjahú.

Hann hefur legið undir ámæli fyrir að smána Jesú Krist með orðum sínum og sam­an­burði við Genghis Khan, grimman leið­toga mongólska heims­veld­is­ins á 12. og 13. öld.

Skilaboð hans eru hins vegar ekki að Jesú hafi verið síðri, heldur að rétt breytni sé trompuð af vald­inu. Þess ber að geta að í Gyð­ing­dómi, sem Net­anjahú fylgir, er ekki stað­hæft að Jesús hafi verið sonur Guðs, eða hluti af „heil­agri þrenn­ingu“, eins og í krist­inni trú, enda gangi það gegn ein­gyð­istrúnni.

Í Múhammeðstrú er Jesús tal­inn hafa verið spá­maður, en þó mennskur, og að hann hafi ekki verið kross­festur, heldur lyft til himna lif­andi. Þá muni hann snúa aftur til jarðar til að sigr­ast a and­kristi. Hann muni síðar, með full­tingi Guðs, taka stjórn á heim­inum, koma á friði, deyja nátt­úru­legum dauð­daga og verða graf­inn við hlið Múhammeðs í Medina.

Orð Net­anja­hús, sem eru til­vitnun í sagn­fræð­ing­inn Will Durant, eru þó látin falla í sam­hengi og aðstæðum sem sýna að áherslan á lög, reglur og sið­ferði skipti ekki lengur máli. Undir for­ystu Net­anja­hús hefur Ísra­els­ríki gengið lengra og lengra í því að drepa almenna borg­ara, eyða byggðum þeirra og horfa í aðra átt þegar ólög­legt land­nám Ísraela í byggðum Palest­ínu­manna  leiðir til kerf­is­bund­ins ofbeldis gegn þeim síð­ar­nefndu.

Villi­menn við hliðið

Annar liður í heims­mynd ráð­andi afla í Banda­ríkj­unum og Ísrael, ofan á frum­speki­lega valda­hyggju, er að æðri sið­menn­ing þeirra eigi í vök að verj­ast gegn ósið­mennt­uðum hópum eða þjóðum.

„Við erum, við verðum að vera sterk. Við verðum að vera vopnuð. Við verðum að vera valda­meiri en villi­menn­irnir,“ sagði Net­anjahú við blaða­menn­ina. „Annars verða þeir ekki aðeins við hliðið. Þeir munu brjóta niður hliðin okkar og eyði­leggja sam­fé­lög okkar. Það er það sem Ísrael er að gera núna með Banda­ríkj­unum.“

Þá sagði hann að Ísrael væri að „vernda allan heim­inn“ með „frá­bærum vinum sínum frá Banda­ríkj­unum“.

„Heim­ur­inn stendur í djúpri þakk­ar­skuld við Trump for­seta fyrir að leiða þetta átak til að tryggja fram­tíð okkar. Takk fyrir,“ sagði Net­anyahu og vís­aði þar til for­seta nýs Frið­ar­ráðs.