Húsleit og hand­tökur áttu sér stað í morgun í tengslum við rann­sókn yfir­valda á starf­semi Vélfags. Félagið hefur sætt þving­un­ar­að­gerðum vegna við­skipta­þving­ana sem bein­ast gegn Rúss­landi, í tengslum við inn­rás þeirra í Úkraínu. 

„Við erum að hefja rann­sókn á mál­efnum Vélfags, í tengslum við það eru þessar aðgerðir,” segir Ólafur Þór Hauksson hér­aðs­sak­sókn­ari í sam­tali við Heim­ild­ina. Embættið sem hann fer fyrir er með rann­sókn máls­ins. Ólafur Þór sagð­ist ekki geta veitt frek­ari upp­lýs­ingar að svo stöddu þar sem aðgerð­irnar væru yfir­stand­andi. 

Samkvæmt upp­lýs­ingum Heim­ild­ar­innar er til rann­sóknar hvort Vélfag hafi brotið gegn þving­un­ar­að­gerðum sem fyr­ir­tækið sætir. Alfreð Tulinius, stjórn­ar­for­maður Vélfag, var hand­tek­inn þegar aðgerð­irnar fóru af stað í morgun. Þær standa enn yfir. RÚV greindi frá því í morgun en Heim­ildin hefur upp­lýs­ingar um að svo hafi verið.