Ég ákvað bara í morgun að koma með börnin hingað,“ segir fylgd­ar­kona leik­skóla­barna sem eru fyrst á flug­völl­inn í Nuuk til að bíða komu Vivian Motzfeldt, utan­rík­is­ráð­herra græn­lensku land­stjórn­ar­innar, ásamt fjölda alþjóð­legra blaða­manna. Börnin bíða spennt í umferð­ar­vestum og sum með fána meðan blaða­menn frá öllum heims­hornum stilla upp upp­töku­vélum og fylgj­ast með komu flug­vél­ar­innar frá Kaup­manna­höfn. Smám saman tín­ist inn fleira og fleira fólk, allt þar til það er orðið stappað á flug­vell­inum. Blaða­menn og ljós­mynd­ari Heim­ild­ar­innar eru á staðnum.

Líkt og kunn­ugt voru Motzfeldt og Lars Lykke Rasmus­sen, utan­rík­is­ráð­herra Dan­merkur, full­trúar Græn­lands í síð­ustu viku á fundi í Washington ásamt vara­for­seta Banda­ríkj­anna, JD Vance og utan­rík­is­ráð­herr­anum Marco Rubio, þar sem rætt var um Grænland vegna ásælni banda­rískra yfir­valda.

En nú er Vivian að koma heim með dönsku vél­inni, frá Banda­ríkj­unum og Brussel, líka búin að funda með varn­ar­mála­ráð­herrum Norð­ur­land­anna og fram­kvæmda­stjóra Atlands­hafs­banda­lags­ins. And­rúms­loftið er nú þrungið þegar hún er við það að stíga inn í komusal­inn.

Van­máttur ein­kennir fámennt sam­fé­lag í kast­ljósi alþjóð­legrar umræðu um fram­tíð lands­ins, óvissan er orðin dag­legt brauð, sem er bæði óvænt og reynir á almenn­ing. Því virð­ist fólki umhugað um að tjá þakk­læti sitt.

„Ég er hér til að bjóða Vivian Motzfeldt vel­komna,“ segir Helene Heime sem er alin upp á norður Græn­landi, græn­lensk en með danskan rík­is­borg­ara­rétt. Hún bíður á flug­vell­inum ásamt tveimur vin­konum sínum. Hún seg­ist vera áhyggju­full, líkt og svo margir nú.

„Ég kom hingað til að sýna utan­rík­is­ráð­herra okkar að við erum hér til staðar. Það er allt svo und­ar­legt sem er nú að ger­ast í kringum Grænland,” segir brosmild kona, Najak Halmen – ef nafnið er rétt stafað, hávað­inn á flug­vell­inum truflar upp­tök­una. Hún tekur fram að þau hafi aldrei upp­lifað eins mikla athygli og nú. „Við vitum ekk­ert hvað ger­ist næst en hún er að vinna gott starf.”