Verðbólga yfir síðustu tólf mánuði hefur hækkað um 4,5 prósent en vísitala neysluverðs, sem mælir verðbólgu, hækkaði um 1,15 prósent á milli mánaða. Þetta er hæsta verðbólga sem mælst hefur síðan í janúar.
Hækkun á milli mánaða er líka sú mesta frá því í febrúar 2024. Í sama mánuði í fyrra hækkaði hún um 0,39 prósent, en í nóvember í fyrra hafði hún hins vegar hækkað um 0,09 prósent, ólíkt lækkun upp á 0,48 prósent sem varð í síðasta mánuði.
Í nóvemer mældist verðbólga 3,7 prósent sem er það lægsta sem hún hefur mælst í fimm ár.
Í tilkynningu á vef Hagstofu Íslands segir að flestum tilboðsdögum sé nú lokið og því hafi hækkun orðið vart í ýmsum flokkum sem höfðu lækkað í nóvember. Meðal annars hækkuðu föt og skór um 3,6 prósent, hitaveita um 9,2 prósent og flugfargjöld til útalnda um 28,8 prósent.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Athugasemdir