Bygging Fljóta­ganga, á milli Siglu­fjarðar og Fljót­anna, er efst í for­gangs­röðun jarð­ganga í nýrri sam­göngu­á­ætlun. Næst í for­gangi eru Fjarða­göng og Súða­vík­ur­göng. Þau fyrri sam­an­standa af tveimur göngum milli Seyð­is­fjarðar og Mjóa­fjarðar og Mjóa­fjarðar til Norð­fjarðar. Þau seinni tengja Súðavík og Ísafjörð en tals­verð hætta er á grjót­hruni og snjó­flóðum á núver­andi Súða­vík­ur­vegi. 

Í fjórða sæti for­gangs­röð­unar eru göng milli Mikla­dals og Hálfdáns sem tengir Pat­reks­fjörð, Tálkna­fjörð og Bíldudal.

Sam­göngu­á­ætlun rík­is­stjórn­ar­innar fyrir árin 2026-2040 var kynnt á blaða­manna­fundi fyrr í dag. Sagði Eyjólfur Ármanns­son inn­við­a­ráð­herra að hún mark­aði tíma­mót þar sem rjúfa ætti kyrr­stöðu. Þá var til­kynnt um stofnun inn­viða­fé­lags um stærri sam­göngu­fram­kvæmdir. 

Ráðgert er að fyrstu verk­efni inn­viða­fé­lags­ins verði Ölf­usár­brú, Sunda­braut, Fljóta­göng og næstu jarð­göng sam­kvæmt sam­göngu­á­ætlun. 

Fjarðaheiðargöng færð aftar

Und­ir­bún­ingur vegna næstu jarð­ganga á að hefj­ast á næsta ári en fram­kvæmdir í upp­hafi árs 2027. Ellefu aðrir jarð­ganga­kostir verða áfram til nán­ari skoð­unar utan þeirra fjög­urra sem …