„Það sem er kannski helst óhefð­bundið við þetta þrot er hvað pen­ing­arnir úr skulda­bréfa­út­boð­inu klár­uð­ust hratt og svo þessi gern­ingur með dótt­ur­fé­lagið,“ segir Sveinn Andri Sveins­son, lög­maður og skipta­stjóri þrota­bús WOW Air. Hann er lík­lega sá lög­maður sem hefur mesta reynslu af þroti flug­fé­laga í heimi lög­manna og hefur fylgst vel með þróun mála hjá falli Play Air sem fór í þrot í byrjun vik­unnar. 

Það var snemma á mánu­dag­inn sem for­stjóri Play, Einar Örn Ólafsson, til­kynnti um rekstr­ar­stöðvun flug­fé­lags­ins sem hafði miklar afleið­ingar. Þúsundir voru stranda­glópar víða um heim og fjögur hund­ruð starfs­menn fyr­ir­tæk­is­ins missa vinn­una af þessum sökum. Þrotið kom mörgum í opna skjöldu, þrátt fyrir að skulda­staða þess hafi verið lengi þung. Félagið hefur tapað um 27 millj­örðum frá stofnun.

Aftur á móti fór fram skulda­bréfa­út­boð fyrir skömmu og söfn­uð­ust þá á þriðja millj­arð króna og töldu flestir að félagið væri rekstr­ar­hæft út árið af …