Breska dag­blaðið The Guardian og franska frétta­veitan AFP hafa fjallað um vanda Climeworks sem Heim­ildin greindi frá sem og frétta­stofa Sviss­neska rík­is­sjón­varps­ins SRF sem greindi frá því fyrir helgi að Climeworks hafi til­kynnt um hóp­upp­sagnir í vik­unni. 

Þá hefur annar stofn­andi Climeworks og for­stjóri, Jan Wurzbacher, birt færslu á Linkedin þar sem hann upp­lýsir að loftsugu­verið ORCA hafi fangað innan við þús­und tonn af CO2 á síð­asta ári og á fyrstu fjórum mán­uðum þessa árs. Fyr­ir­tækið hefur gætt þess vand­lega að halda því til haga í öllu kynn­ing­ar­efni og fjöl­miðla­við­tölum að vélin geti fangað 4000 tonn, en frá upp­hafi hefur hún aðeins náð innan við einum fjórða af því magni. Það sama á við um loftsugu­verið Mammoth sem átti að geta fangað 36.000 tonn árlega, en fang­aði ein­ungis 105 tonn á fyrstu tíu mán­uð­unum eftir að það var opnað. Bæði ORCA og Mammoth eru í Jarð­hita­garði ON á Hell­is­heiði.