Í sam­starfs­yf­ir­lýs­ingu nýs meiri­hluta í Reykja­vík er sér­stak­lega fjallað um „heim­ili á hjólum“ í kafl­anum um hús­næð­is­mál og til stendur að finna hjól­hýsa­byggð­inni við Sæv­ar­höfða nýjan stað. „Okkur finnst mik­il­vægt að mæta þessum hópi,“ segir Sanna Magda­lena Mörtu­dóttir, for­seti borg­ar­stjórnar og borg­ar­full­trúi Sós­í­alista­flokks­ins. 

Sanna Magda­lena Mörtu­dóttir, for­seti borg­ar­stjórnar.

Mynd: Bára Huld Beck

Tæp tvö ár á iðnaðarplaninu

Íbúum hverf­is­ins var til­kynnt þegar þeim var gert að flytja úr Laug­ar­dalnum að þau þyrftu aðeins að vera á Sæv­ar­höfða í tvo til þrjá mán­uði, en síðan eru liðnir 20 mán­uðir – bráðum tvö ár. Hjól­hýsa­byggðin hefur þennan tíma verið á óhirtu iðn­að­ar­plani við hlið 40 metra sílóa þar sem gamla sem­ents­stöðin var áður til húsa. Komið var upp raf­magnstenglum og borga þau 15 þús­und krónur á mán­uði fyrir aðgang að raf­magni. Aðra þjón­ustu er þar ekki að fá. Íbúar hafa síð­ustu miss­eri barist fyrir því að hjól­hýsa­byggð­inni verði fundin mann­sæm­andi stað­setn­ing og hafa þeir verið afar ósáttir við afstöðu fyrri borg­ar­stjóra.

Sanna segir að fyrsta skrefið nú sé að heyra í þeim sem búa á Sæv­ar­höfða „sem er óboð­leg stað­setn­ing, og útfæra þetta nánar í sam­ráði við hjóla­búa. Það er mjög mik­il­vægt að við finnum góða stað­setn­ingu í nálægð við helstu sam­göngur. Við sam­mælt­umst um að það þyrfti að finna betri stað­setn­ingu,“ segir hún og vísar til nýs meiri­hluta í Reykja­vík. Hann er mynd­aður af fimm flokkum; Sam­fylk­ing­unni, Pírötum, Vinstri grænum, Sós­í­alista­flokknum og Flokki fólks­ins, en full­trúar þeirra tveggja síð­ast­nefndu höfðu end­ur­tekið kraf­ist úrbóta fyrir íbúa hjól­hýsa­byggð­ar­innar en ekki fengið hljóm­grunn. Þessir flokkar komu inn í meiri­hluta­sam­starf í borg­inni í fyrsta skipti eftir að Framsókn sleit síð­asta meiri­hluta í byrjun febr­úar. 

Hjólabúar fagna

Nokkur ár eru síðan til varð lítið sam­fé­lag fólks sem býr í hjól­hýsum eða hús­bílum og hafð­ist við á tjald­svæð­inu í Laug­ar­dal í Reykja­vík. Fyrst um sinn voru þau þar aðeins á vet­urna en viku fyrir ferða­mönnum á sumrin. Þegar kór­ónu­veiru­far­ald­ur­inn geis­aði fengu þau að búa á svæð­inu allt árið um kring, og borg­uðu leigu­verð fyrir lang­tíma­stæði. Þegar ferða­þjón­ustan tók aftur við sér var ákveðið að fram­lengja ekki leigu­samn­inga þeirra og þeim vísað burt, meðal ann­ars með þeirri rök­semda­færslu að það færi ekki saman að hafa íbúa og ferða­menn á sama svæð­inu. 

Geirdís Hanna Krist­jáns­dóttir, íbúi á Sæv­ar­höfða og for­maður Samtaka hjóla­búa.

Mynd: Golli

Geirdís Hanna Krist­jáns­dóttir, íbúi á Sæv­ar­höfða og for­maður Samtaka hjóla­búa, sem eru félaga­sam­tök sem berj­ast fyrir rétt­indum þeirra sem vilja búa á hjólum, í hjól­hýsum eða hús­bílum, seg­ist fagna þeim fregnum að hjól­hýsa­byggð­inni verði fund­inn nýr staður. Enn hefur eng­inn fundur verið hald­inn með íbúum um málið og veit hún því ekk­ert um fram­haldið, en er von­góð. Geirdís, sem enn fremur er vara­borg­ar­full­trúi Sós­í­alista, hefur harð­lega gagn­rýnt að borgin komi ekki til móts við fólk sem reynir að bjarga sér með því að búa í hjól­hýsi, á hús­næð­is­mark­aði þar sem er bæði dýrt og erfitt að fá íbúð.

Samhljómur hjá nýjum meirhluta

Einar Þor­steins­son, þáver­andi borg­ar­stjóri, gaf ekki kost á við­tali fyrir umfjöllun Heim­ild­ar­innar um hjól­hýsa­byggð­ina í des­em­ber heldur vís­aði í fyrri orð sín um að það komi ekki til skoð­unar að finna annað svæði fyrir hjól­hýsa­byggð í borg­inni. Hann hafði meðal ann­ars beint íbú­unum á tjald­svæði í nágranna­sveit­ar­fé­lögum og sagði að það væri ekki hlut­verk borg­ar­innar að nið­ur­greiða úrræði fyrir fólk sem kjósi að búa í hjól­hýsi. 

Sanna seg­ist ekki geta svarað fyrir afstöðu fyrri meiri­hluta en mik­ill sam­hljómur sé í áherslum nýja meiri­hlut­ans vegna máls­ins: „Við sem komum að þessu sam­starfi erum sam­mála um að það þurfi að finna betri stað­setn­ingu fyrir þennan hóp. Það er mjög ánægju­legt að fara í þetta verk­efni því það gengur ekki að þau séu þarna á Sæv­ar­höfð­anum.“

Hún segir nokkrar stað­setn­ingar þegar vera til skoð­unar en ekk­ert liggi hins vegar fyrir um hvorki end­an­lega stað­setn­ingu né hvenær íbú­arnir geti flutt hýsin á nýjan stað. „En von­andi gengur þetta hratt og örugg­lega,“ segir Sanna.