Íbúi telur borgina bera ábyrgð vegna brunans

„Ég er búin að missa fullt, en ég missti ekki allt – það voru tveir sem gerðu það, þeir misstu allt. Það er bara ömur­legt,“ segir Geirdís Hanna Krist­jáns­dóttir, íbúi í hjól­hýsa­hverf­inu á Sæv­ar­höfða. Upp úr klukkan fjögur á mið­viku­dags­morg­un­inn var hún vakin af nágranna sínum í hjól­hýs­inu við hlið­ina á henni. Það var kviknað í.

Geirdís hljóp út í nátt­fötum og inni­skóm og meðan hún fylgd­ist með eld­inum eyði­leggja hýsi nágranna síns hugs­aði hún með sér: „Ekki einu sinni enn.“ Í elds­voð­anum á Sæv­ar­höfða missti Geirdís nefni­lega heim­ili sitt í bruna í þriðja skiptið á ævinni. Hjólhýsi hennar brann ekki – en ein hlið þess bráðn­aði vegna elds­ins sem geis­aði við hlið­ina á. Geirdísi tókst að bjarga sumum eigum sínum og hund­inum Tinnu en hjól­hýsið er ónýtt.

Geirdís segir að annar nágranni hennar, sem hafði verið á leið­inni úr landi þegar hann frétti af brun­anum og sneri …