„Ég er hár­snyrtir, sveinn, ég útskrif­að­ist fyrir tveimur árum. Það hefur verið draum­ur­inn síðan ég var barn, mér finnst gaman að láta fólki líða vel með sjálft sig. Það var gott að geta farið í þetta nám ung, ég byrj­aði strax eftir grunn­skóla. Ég útskrif­að­ist snemma, bara 19 ára, og það var draumur að ræt­ast að vera komin snemma í atvinnu­lífið. Fram­tíðin er í þessum „beauty-bransa“, ég er líka förð­un­ar­fræð­ingur og þetta langar mig að gera; klippa og farða.  

Það er gaman að klippa og spjalla, mjög gaman. Það er gaman að fá að vita um líf fólks, þetta er spenn­andi fólk og það er gaman að kynn­ast því. Maður heyrir eig­in­lega allt, ég hef verið fyrst til að heyra stórar fréttir, það er eins og fólk treysti mér fyrir öllu, ég er svo­lítið eins og sál­fræð­ingur þeirra. Hvort sem það er barn á leið­inni, ein­hver trú­lofun eða að ein­hver hafi dáið, ég hef heyrt þetta allt. Ég er and­legi stuðn­ing­ur­inn. 

Núna er ég að hugsa um jólin. Við erum byrj­aðar að bóka jólin og þá byrja ég að pæla í jól­unum. Það er svo­lítið mikið að gera en ég er spennt, það er gott að fá smá gleði þegar það er orðið svona dimmt.“