Halla Tóm­as­dóttir, for­seti Íslands, seg­ist í skrif­legu svari til Heim­ild­ar­innar vilja koma þeim skila­boðum á fram­færi að ákall um málm­leit­ar­tæki og sýni­lega vopn­aða lög­gæslu séu „við­brögð við birt­ing­ar­mynd dýpri vanda“.

„Forseti telur brýnt að ráð­ist verði að rótum vand­ans og talar fyrir þjóð­ar­átaki þar sem við svörum ákalli föður Bryn­dísar Klöru og sam­ein­umst öll um að gera kær­leik­ann að eina vopn­inu í okkar sam­fé­lagi,“ segir í svar­inu.

Una Sig­hvats­dóttir, sér­fræð­ingur hjá emb­ætti for­seta Íslands, segir að and­leg líðan ungs fólks sé nýjum for­seta afar hug­leikin. Hún hafi enda lagt mikla áherslu á það í kosn­inga­bar­átt­unni og muni gera áfram í emb­ætti for­seta. 

Halla segist hrygg

Sunnu­dag­inn 1. sept­em­ber síð­ast­lið­inn flutti Halla Tóm­as­dóttir ávarp á opn­un­ar­við­burði átaks­ins Gulur sept­em­ber, en það er sam­vinnu­verk­efni stofn­ana og félaga­sam­taka sem vinna saman að geð­rækt og sjálfs­vígs­for­vörnum. 

„Okkar brýn­ustu verk­efni“ Halla hélt opn­unará­varp geð­rækt­ar­átaks­ins Gulur sept­em­ber.

Mynd: Pétur Fjeld­sted

Í ávarp­inu sagði Halla meðal ann­ars:

„Ég stend hér með ykkur í dag og ég finn til; ég er hrygg í hjarta vegna þeirra atburða sem hafa orðið í okkar sam­fé­lagi síð­ustu daga og vikur. Hjarta mitt er hjá öllum þeim sem nú eiga um sárt að binda – fjöl­skyldum, vinum og sam­fé­lögum sem eru harmi slegin og buguð af sorg. Það er við­tekin venja að lesa lífs­gæði úr hag­tölum. Þær eru sann­ar­lega mik­il­vægar, en aðeins brot af miklu stærri mynd. Ef van­líðan, til­gangs­leysi, ein­mana­leiki, fíkn og ofbeldi fara vax­andi er við stóran vanda að etja. Þessi mál eru raunar að mínu mati okkar brýn­ustu verk­efni – sem við verðum að leysa saman.“