Unnið er að ítar­legum hreins­un­ar­að­gerðum í leigu­í­búðum fyrir fólk yfir 60 ára við Vatns­holt 1 og 3 eftir að Leg­ion­ella, bakt­er­ían sem veldur her­manna­veiki, fannst í lögnum. Þetta kemur fram í til­kynn­ingu frá Heil­brigð­is­eft­ir­liti Reykja­víkur en sam­kvæmt upp­lýs­ingum frá sótt­varn­ar­lækni hefur einn íbúi veikst.

Heim­ildin greindi í gær frá því að bakt­er­ían hefði fund­ist í báðum hús­unum en ein mann­eskja hafði greinst með her­manna­veiki í Vatns­holti 1 sem stendur við svo­kall­aðan Sjó­manna­skólareit. Her­manna­veiki veldur helst alvar­legum veik­indum hjá þeim sem hafa und­ir­liggj­andi áhættu­þætti, til að mynda háan aldur.

Heil­brigð­is­eft­ir­litið fór í hreins­un­ar­að­gerðir í kjöl­farið sem ekki báru nægi­legan árangur. Í til­kynn­ing­unni segir að bakt­er­ían sé bundin við húsin tvö sem Leigu­fé­lag aldr­aðra lét reisa fyrir íbúa yfir sex­tugu. Bakt­er­ían hafi ekki borist úr dreifi­kerfi kalda vatns.

„Í lok maí fór starfs­fólk Heil­brigð­is­eft­ir­lits Reykja­víkur í sýna­töku í íbúð í hús­næði í Vatns­holti að beiðni sótt­varn­ar­læknis vegna gruns um vöxt Leg­ion­ella bakt­eríu í bað­vatni,“ segir í til­kynn­ing­unni. „Sýna­tökur stað­festu vöxt í þeim sýnum. Þann 4. júní þegar frum­nið­ur­stöður lágu fyrir voru íbúar upp­lýstir um stöðu mála.“

Í fram­hald­inu var farið í sýna­tökur til að kanna hvort smit væru í fleiri íbúðum og var það stað­fest. „Þann 1. júlí voru einnig tekin sýni í öðru húsi. Var það gert þar sem húsin eru sam­bæri­leg en á þeim tíma­punkti voru ekki vís­bend­ingar um smit í því húsi. Frum­nið­ur­stöður úr þeirri sýna­töku stað­festu smit í báðum húsum og hafa íbúar í seinna hús­inu einnig verið upp­lýstir,“ segir í til­kynn­ing­unni.

Hreinsunaraðgerðir í vikunni

Heil­brigð­is­eft­ir­litið mun fara í hreins­un­ar­að­gerðir sem þarf að skipu­leggja vel og krefj­ast tölu­verðs mann­afla, að því segir í til­kynn­ing­unni. Stefnt er að því að af aðgerðum verði í þess­ari viku. Íbúar hús­anna hafa verið beðnir um að fara ekki í sturtu í íbúð­unum þar til hreinsun er lokið.

Her­manna­veiki orsakast af bakt­er­í­unni leg­ion­ella pneumophila og eru nátt­úru­leg heim­kynni hennar í vatni. Smit geta orðið þegar svifúði mynd­ast frá vatns­leiðslum eða vatns­tönkum og berst í önd­un­ar­veg fólks. Alvarleg veik­indi verða helst hjá fólki með und­ir­liggj­andi áhættu­þætti. Eru þeir til dæmis hár aldur, reyk­ingar, lang­vinnir lungna­sjúk­dómar, ónæm­is­skerð­ing, áfeng­is­sýki og nýrna­bilun.

„Gangur sjúk­dóms­ins er mis­slæmur og dauðs­föll verða í 5–30% til­fella“

Helstu ein­kenni her­manna­veiki eru hiti, hrollur, hósti, bein­verkir, höf­uð­verkur, lyst­ar­leysi og stundum nið­ur­gangur, að því fram kemur á Vís­inda­vefnum. „Lungna­bólga er alltaf hluti af sjúk­dóms­mynd­inni. Gangur sjúk­dóms­ins er mis­slæmur og dauðs­föll verða í 5–30% til­fella. Með­göngu­tími her­manna­veiki er 2–10 dagar.“