S

tyrkt­ar­sjóður Blaðmanna­fé­lags Íslands (BÍ), sem hefur það hlut­verk að greiða sjúkra- og slysa­dag­pen­inga til félags­manna, stefnir í gjald­þrot ef ekk­ert verður að gert. Þetta er nið­ur­staða skýrslu sem Talna­könnun gerði fyrir félagið og Heim­ildin hefur undir höndum.

Úthlut­un­ar­reglum sjóðs­ins var breytt í júní til að bregð­ast við þess­ari stöðu. Skýrslan var unnin á sama tíma og BÍ hafði til skoð­unar hvort kæra ætti fyrr­ver­andi fram­kvæmda­stjóra félags­ins, Hjálmar Jónsson, vegna hátt­semi sem tald­ist „veru­lega ámæl­is­verð og jafn­vel refsi­verð“ að því fram kom í lög­fræði­á­liti sem LOGOS vann fyrir félagið. BÍ til­kynnti í gær að félagið mundi ekki kæra Hjálmar vegna meints fjár­dráttar og umboðs­svika.

Í minn­is­blaði LOGOS var jafn­framt tekið fram að önnur atriði sem snúa að styrk­veit­ingum og veit­inga- og ferða­kostn­aði hafi komið til álita þar sem ekki var sótt heim­ild til stjórnar. „Þau atriði feli þó ekki endi­lega í sér refsi­verða hátt­semi heldur frekar laus­ung á dag­legum rekstri félags­ins og lélega fram­kvæmda­stjórn,“ segir í minn­is­blað­inu.

Neikvætt eigið fé ef ekkert verður gert

Skýrsl­una um styrkt­ar­sjóð­inn skrif­aði Benedikt Jóhann­es­son, fram­kvæmda­stjóri Talna­könn­unar, að beiðni Sigríðar Daggar Auð­uns­dóttur, for­manns BÍ. Samkvæmt henni hefur sax­ast mjög á eigið fé sjóðs­ins og verður það nei­kvætt á árinu ef ekki verður gripið í taumana. „Ekki kemur til greina að bíða með aðgerðir því miðað við stöð­una í lok apríl 2024 stefnir sjóð­ur­inn í gjald­þrot á þessu ári verði ekk­ert að gert,“ segir í skýrsl­unni.

„Hann er veik­ari en margir sam­bæri­legir sjóðir“

„Styrkt­ar­sjóður BÍ hefur á und­an­förnum árum verið langt undir þeim styrk sem eðli­legt er að slíkur sjóður hafi til þess að sinna hlut­verki sínu til fram­búðar,“ segir enn­fremur. „Hann er veik­ari en margir sam­bæri­legir sjóðir. Sjóð­ur­inn er lít­ill og því þarf fyllstu aðgæslu í rekstri sjóðs­ins og í ákvörðun bóta­fjár­hæða.“

Nýjar reglur lagðar til

Taka þarf reglur um greiðslu sjúkra­dag­pen­inga til end­ur­skoð­unar að mati Talna­könn­unar en þeir eru aðal­út­gjalda­liður sjóðs­ins. Aðra bótaliði þarf einnig að skoða. „Und­an­farin ár hefur kostn­aður sífellt verið hærri en tekjur sem er óvið­un­andi, þó að það geti auð­vitað gerst ein­stök ár,“ segir í skýrsl­unni.

„Und­an­farin ár hefur kostn­aður sífellt verið hærri en tekjur“

„Þessari þróun þarf að snúa við, lækka styrki ef þörf krefur og ná jafn­vægi í rekstri sjóðs­ins. Gott er að stefna að því að hlut­fall eigin fjár af iðgjöldum verði hækkað í áföngum, þannig að það verði að minnsta kosti tvö­falt eigið fé. Einnig þarf að bæta ávöxtun sjóðs­ins, þannig að hún nemi að minnsta kosti verð­bólgu.“

Stjórn sjóðs­ins hafði unnið til­lögur um breyt­ingar á úthlutun sem Talna­könnun taldi að gæti lækkað styrk­greiðslur um 17 til 19 pró­sent. „Vegna þess hve lít­ill sjóð­ur­inn er mun það taka nokkurn tíma að koma í ljós hver áhrif nýrra reglna verða í raun,“ segir að lokum í skýrsl­unni.

Eins og áður sagði var úthlut­un­ar­reglum sjóðs­ins breytt í júní og rétt­indi skert.