Grímur Björns­son jarð­eðl­is­fræð­ingur og Haraldur Sig­urðs­son eld­fjalla­fræð­ingur birtu í gær grein þar sem þeir settu fram tíma­línu um atburð­ina í Grinda­vík. Samkvæmt þeirra grein­ingu mun jarð­hrær­ing­unum nálægt Grinda­vík ljúka síð­sum­ars á þessu ári. 

Grímur segir þá alls ekki vera að spá því að svæðið á Reykja­nesi í heild sinni sé að hætta. „Það er bara þessi teng­ing milli Svarts­engis og Sund­hnúks sem virð­ist vera að stífna. Það er að verða erf­ið­ara fyrir kvik­una að finna sér stað þarna.“

Grímur var við­mæl­andi Aðal­steins Kjart­ans­sonar í nýjasta þætti Pressu.

„Einhvern tíma lýkur þessu“

Grímur segir það ekki hans að meta hvort að Grind­vík­ingar geti flutt heim skyldi eld­virknin róast niður á svæð­inu. „En mér finnst allt í lagi að menn fari að ræða það.“ Það sé á hröðu und­an­haldi að fólk geti fengið yfir sig hraunskvettu. Enn fremur sé komin góð reynsla á varn­ar­garða og tækni til að eiga við hraunið komi …