Auknar líkur eru á eld­gosi næstu daga. Þetta segir í til­kynn­ingu frá Veð­ur­stofu Íslands. Kemur þar fram að fyr­ir­vari goss gæti verið mjög stuttur, jafn­vel 30 mín­útur eða minna.

Mestar líkur eru á að gos komi upp á svæð­inu á milli Stóra-Skóg­fells og Haga­fells. Er það á svip­uðum slóðum og fyrri gos á svæð­inu. 

Kviku­magnið undir Svarts­engi heldur áfram að aukast og hraði land­riss­ins er nokkuð jafn. Alla jafna hefur dregið úr hraða land­riss þegar nær dregur gosi. Um hálf milljón rúmmetra af kviku safn­ast undir Svarts­engi á sól­ar­hring. Alls hafa um 8,5 til 8,9 millj­ónir rúmmetra af kviku safn­ast fyrir undir Svarts­engi. Mögu­leik­inn á kviku­hlaupi án þess að til eldogss komi er einnig fyrir hendi. 

Sam­an­burður á kviku­söfnun undir Svarts­engi áður en kvika hleypur í Sund­hnúka­gíga­röð­ina.Ef horft er til aðdrag­anda fyrri eld­gosa á Sund­hnúks­gíga­röð­inni aukast líkur á eld­gosi þegar magnið hefur náð 8 – 13 milljón rúmmetrum. Ef kviku­söfnun heldur áfram með sama hraða nást efri mörk í næstu viku.

Mynd: Veð­ur­stofa Íslands

Hættumat Veð­ur­stof­unnar helst óbreytt. Þrátt fyrir að hættu­stig hafi ekki verið aukið geta aðstæður á vett­vangi þó breyst hratt og fyr­ir­vara­laust. Mik­il­vægt er að hafa þetta í huga eigi maður erindi inn á svæðið.