Forstjóri eiganda Arctic Fish segir að „skynsemin muni sigra“ á Íslandi

For­stjóri stærsta eig­anda lax­eld­is­fyr­ir­tæk­is­ins Arctic Fish á Ísafirði, Ivan Vindheim, segir að skyn­semin muni sigra í umræð­unni um sjó­kvía­eldi í heim­inum, einnig á Íslandi. Hann hefur ekki áhyggjur af því að sjó­kvía­eldi á Íslandi verði bannað og að fyr­ir­tækið muni þurfa að yfir­gefa landið. Þetta sagði Vindheim á blaða­manna­fundi í gær þar sem árs­upp­gjör fyr­ir­tæk­is­ins sem hann styrir, Mowi, fyrir árið 2023 var kynnt. Sjáv­ar­út­vegs­blaðið Intra­fish greinir frá orðum hans. „Ég tel að skyn­semin muni sigra alls staðar, einnig á Íslandi,“ sagði hann orð­rétt,

For­stjór­inn lét þessi orð falla í tengslum við sýn­ingu heim­ild­ar­þáttar banda­ríska úti­vi­star­fyr­ir­tæk­is­ins Pata­gonia um lax­eldi í sjó­kvíum á Íslandi. Myndin var frum­sýnd fyrir skömmu og er aðgengi­leg á Youtube. Í frétt norska mið­ils­ins um málið er því stillt þannig upp að for­stjóri Mowi „hræð­ist ekki árás Pata­gonia“ á lax­eldi á Íslandi.