Fyrsta fjöl­skyldan, sem þrjár íslenskar konur hafa und­an­farið aðstoðað við að kom­ast frá Gaza, er nú á leið til lands­ins. Gert er ráð fyrir að flug­vél þeirra lendi í Keflavík um tvöleytið í dag. Um er að ræða konu og þrjá syni hennar sem hafa verið inn­lyksa í Gazaborg þar sem blóðug átök hafa geisað síð­ast­liðna fimm mán­uði. 

Fjöl­skyldan fékk dval­ar­leyfi á Íslandi á grund­velli fjöl­skyldu­sam­ein­ingar, en eig­in­maður kon­unnar og faðir drengj­anna þriggja er búsettur hér á landi. Íslensk stjórn­völd hafa hins vegar ekki beitt sér fyrir því að aðstoða fólk með sam­þykkt dval­ar­leyfi á grund­velli fjöl­skyldu­sam­ein­ingar við að kom­ast frá átaka­svæð­inu og til lands­ins.

Við­bragðs­leysi stjórn­valda í þessum efnum hefur valdið miklu fjaðrafoki og mót­mæli hafa staðið yfir á Aust­ur­velli frá því í des­em­ber í fyrra. Kristín Eiríks­dóttir, María Lilja Þrast­ar­dóttir og Bergþóra Snæ­björns­dóttir ákváðu í stað þess að bíða álengdar að hefja vinn­una við að safna nöfnum þeirra sem sitja fastir á Gaza með sam­þykkt dval­ar­leyfi á Íslandi á grund­velli fjöl­skyldu­sam­ein­ingar. 

Í síð­ustu viku flugu kon­urnar þrjár út með list­ann með það fyrir augum að koma sem flestum frá Gaza og flytja þá til ást­vina þeirra á Íslandi. Konunum hefur nú tek­ist að koma tveimur fjöl­skyldum í skjól. Önnur er á leið­inni til lands­ins og hin er enn sem komið er stödd í Kaíró.

Í sam­tali við Heim­ild­ina sögð­ust Bergþóra, Kristín og María Lilja myndu halda björg­un­ar­starf­inu áfram þangað til að utan­rík­is­ráðu­neytið brygð­ist við og tæki við af þeim. „Við munum svo halda áfram að sel­flytja fólk heim til Íslands þar til ráðu­neytið sendir fólk hingað. Þá getum við farið heim,“ sagði Kristín á dög­unum.