Tveir ung­lingar voru hand­teknir á mót­mæl­unum sem fóru fram á Aust­ur­velli skömmu fyrir hádegi í dag. Myndbönd af hand­tök­unni hafa farið í dreif­ingu sam­fé­lags­miðlum. Á einu mynd­bandi, sem tekið var Mohammaed Alhaw, má sjá lög­reglu­menn halda á tveimur ung­lings­piltum og ganga með þá í átt að svæð­inu á milli Alþing­is­húss­ins og nýja skrif­stofu­hús­næði Alþingis, Smiðju. 

Samkvæmt sjón­ar­votti sem Heim­ildin náði tali af voru ein­stak­ling­arnir sem voru hand­teknir um sextán ára gamlir. Óljóst er hver til­drög hand­tök­unnar voru en að sögn vitnis hafi ein­stak­ling­arnir tveir átt í snörpum orða­skiptum við lög­reglu og annað ung­menn­anna hafi síðan ákveðið að ganga í burtu.

Í kjöl­farið hafi lög­reglan sótt að þeim og fært þá á bak við girð­ingu sem búið var að stilla upp fyrir framan Alþing­is­húsið. Þótti sjón­ar­votti hand­takan vera ansi harka­leg og ofbeld­is­full, sér­stak­lega í ljósi þess að um unga drengi var að ræða.  

Drengirnir voru síðan, að sögn vitnis, beðnir um að fram­vísa skil­ríkjum og gefa lög­reglu nafn og kenni­tölu. Drengirnir hafi hins vegar neitað og voru því færðir yfir í svartan sendi­ferða­bíl.

Þá til­kynnti lög­regla mót­mæl­endum sem höfðu hóp­ast í kringum sendi­ferða­bíl­inn að til stæði að hafa sam­band við for­eldra drengj­anna, sem voru á þeim tíma­punkti hættir að streit­ast á móti. Þá kom fram í sam­tali við sjón­ar­vott að eng­inn full­orð­inn fylgd­ar­maður hafi fylgt drengj­unum með í sendi­ferða­bíl­inn.

Ungmenni mótmæla aðgerðaleysi stjórnvalda

Nemendur í 8. bekk í Haga­skóla efndu til mót­mæla á Aust­ur­velli skömmu fyrir hádegi í dag. Þau voru líka sótt af ung­mennum úr öðrum skólum. Á mót­mæla­fund­inum var stefnu rík­is­stjórn­ar­innar gagn­vart palest­ínskum flótta­mönnum og stríð­inu fyrir botni Mið­jarð­ar­hafs mót­mælt.

Samkvæmt nýlegri frétt Heim­ild­ar­innar fóru mót­mælin að mestu leyti frið­sam­lega fram. Örfá ung­menni tóku þó upp á því að kasta eggjum í þing­húsið sem leiddi til þess að lög­regla hóf afskipti af þeim. 

Mótmæli palest­ínskra flótt­manna fyrir utan Alþing­is­húsið hafa staðið yfir frá 27. des­em­ber. Þar hafa mót­mæl­endur biðlað til stjórn­valda að bjarga fjöl­skyldu­með­limum þeirra sem enn eru fastir í Gasa á grund­velli fjöl­skyldu­sam­ein­ingar.