Dómur féll í máli Eddu Bjarkar Arnardóttur í hádeginu í dag. Edda var dæmd í tuttugu mánaða óskilorðsbundið fangelsi í þingsréttinum í Þelmörk í Noregi. Nútíminn greindi fyrst frá dómnum og hefur birt þýðingu á honum í heild sinni. 

Edda var framseld til Noregs í nóvember þegar hún var handtekin. Hún var flutt nauðug til Noregs í byrjun desember. Hefur hún setið í fangelsi síðan. Þrír dómarar dæmdu í málinu. 

Í dómnum kemur fram að „ásakanir ákærða um alvarlega galla í umsjárstöðu brotaþola eru augljóslega rangar og eru bornar fram gegn betri vitund.“

Refsirammi hækkaður

Edda Björk er sakfelld fyrir sama dóm í Nedre Telemark dómstólnum 22. október 2020. Þá skilaði hún ekki drengjunum til föður þeirra eftir vetrarfrí á Íslandi. Samkvæmt refsilögum í Noregi þýðir það að refsiramminn megi hækka allt að tvöfalt. Í þýðingu Nútímans af dómnum kemur fram að „þetta mál einkennist af því að ákærða hefur í annað sinn á stuttum tíma brottnumið þrjá syni sína til Íslands þrátt fyrir að það hafi verið lagalega ákveðið að hún hafi ekki hlutdeild í forsjá þeirra og að þeir eigi að hafa fasta búsetu hjá brotaþola í Noregi. Ákærða framkvæmdi brottnámið á hátt sem krefst talsverðrar skipulagningar og fjármagns. Aðgerðin, þar með talið útvegun falsaðra eða rangra ferðaskjala fyrir börnin, ber vott um fagmennsku.“

Hagur barnanna að búa hjá föður sínum

Í dómnum segir að forsjá, búseta og umgengni barnanna hafi verið athuguð fyrir brottnámið af sérfræðingum. Telur dómstóllinn að það sé hagur barnanna að búa hjá föður drengjanna. Eru ásakanirnar á hendur föður drengjanna sagðar rangar í dómnum. „Við rýningu hefur dómstóllinn lagt mikla áherslu á að þetta er í annað sinn á fáum árum að ákærða brottnám börn sín til Íslands.“

„Við lok aðalmeðferðar hafði brottnámið staðið í næstum eitt ár og níu mánuði,“ Kemur fram að Edda hafi sýnt fram á vilja til að fara ekki eftir lagalega ákvörðuðum dómum frá  Noregi og Íslandi. Segir í dómnum að Edda hafi sagst ætla að gera allt sem í hennar valdi stendur til að börnin yrðu áfram á Íslandi hjá henni. „Þrátt fyrir að íslenskir dómstólar hafi lagalega ákveðið að drengirnir skuli snúa aftur til Noregs með úrskurði frá 31. janúar 2023.“ 

Sökuð um að segja ranglega frá málinu

Edda sögð hafa tryggt að mannfjöldi myndi hindra lögregluna í því að flytja drengina burt. Þar að auki er hún sökuð um að hafa vísvitandi sagt ranglega frá málinu í íslenskum fjölmiðlum og á samfélagsmiðlum. 

Í dómnum kemur fram að faðir drengjanna hafi „í langan tíma barist með friðsamlegum og löglegum hætti til að fá börnin aftur. Hann hefur verið mjög áhyggjufullur yfir stöðu drengjanna í langan tíma með litlar eða engar sannar upplýsingar um það hvernig þeim líður. Hann hefur sjálfur glímt við þunglyndi og sjálfsvígshugsanir.“ Dómstóllinn telur að ekki sé hægt að meta hvernig áhrif brottnámið mun hafa á drengina að svo stöddu. 

Dómstóllinn telur að eins árs og átta mánaða fangelsi vera of vægan dóm telja það ekki endurspegla alvarleika brotsins. Bera þeir undir sig að um endurtekið rán sé að ræða. „Þó að drengirnir séu staddir í þróuðu landi eins og Íslandi, þá eru þeir útsettir fyrir stöðugu álagi og neikvæðum áhrifum af hálfu ákærða. Skólinn hefur einnig upplýst að drengirnir eiga við verulegar áskoranir að stríða og að ákærða fylgist ekki með þeim á fullnægjandi hátt. Með hliðsjón af alvarleika málsins og þeim almennu- og einstaklingsbundnu forvörnum sem gilda, telur dómstóllinn að viðeigandi upphafspunktur fyrir refsinguna sé óskilorðsbundið fangelsi í tvö ár,“ kemur fram í þýðingu Nútímans af dómnum. 

Eddu barst ekki stefnan í málinu

Í dómnum kemur fram að Eddu barst ekki stefnan þar sem heimilsfang hennar var ranglega skráð á boðunarbréfið. Var ekki öðrum leiðum beitt við að koma stefnunni til hennar og íslenskum yfirvöldum ekki frekar gert að kynna stefnuna fyrir Eddu. Því var aðalmeðferð málsins frestað.

Edda er því ekki talin bera ábyrgð á því að málinu var frestað en málið átti upphaflega að fara fyrir dómi í ágúst 2023. „Dómstóllinn telur rétt að gefa afslátt af refsingunni um það bil 15% vegna þess að málsmeðferðin hefur tekið óþarflega langan tíma.“

Var niðurstaða dómsins að dæma Eddu í 20 mánaða fangelsi.