Þessi grein birtist fyrir rúmlega 3 mánuðum.

Töldu hættu á að Edda myndi sleppa

Hér­aðs­dóm­ur í Vest­fold í Nor­egi taldi ástæðu til þess að ótt­ast að ef Edda Björk Arn­ar­dótt­ir yrði ekki færð í gæslu­varð­hald myndi hún kom­ast und­an. Barns­fað­ir henn­ar seg­ist hneyksl­að­ur á um­ræð­unni sem bein­ist, að hans mati, frek­ar að rétt­ind­um Eddu en rétt­ind­um drengj­anna. Edda sagði fyr­ir dóm á föstu­dag að þeir hefðu ekki vilj­að fara frá Ís­landi með pabba sín­um.

Töldu hættu á að Edda myndi sleppa
Edda og börn Edda telur að það væri skaðlegt fyrir syni hennar að vera sendir aftur til Noregs en faðir þeirra telur hið andstæða.

Í vitnisburði Eddu Bjarkar Arnardóttur fyrir héraðsdómi í Vestfold í Noregi á laugardag sagðist hún ekki vita hvar drengir hennar þrír væru en að þeir væru öruggir og að þeir hefðu ekki viljað fara frá Íslandi með pabba sínum. 

Edda var á laugardag úrskurðuð í fjögurra vikna gæsluvarðhald í fangelsi í Þelamörk í Noregi vegna meints ólögmæts brottnáms á sonum sínum frá Noregi til Íslands. Hún gæti átt yfir höfði sér allt að sex ára fangelsi. 

Í yfirlýsingu segir faðirinn að hann sé „hneykslaður yfir því hversu margir láta sig réttindi sakborningsins [Eddu] varða og hversu lítil samfélagsumræða er um réttindi barnanna.“ 

Föðurnum, sem vill ekki koma fram undir nafni, var dæmt forræði yfir þremur sonum þeirra Eddu, sem nú eru 10 og 12 ára gamlir, fyrir norskum dómstólum árið 2018. Faðirinn er íslenskur en hefur búið í Noregi um árabil. 

Neituðu að fara, segir móðirin

Edda var árið 2019 dæmd fyrir að halda drengjunum á Íslandi í óþökk föðurins. Hún afplánaði þann dóm í samfélagsþjónustu á Íslandi, segir Edda. Landsréttur úrskurðaði jafnframt árið 2019 að Edda ætti að skila börnunum til Noregs í samræmi við Haag sáttmálann sem ætlað er að tryggja hagsmuni barns sem flutt hefur verið með ólögmætum hætti úr einu samningsríki til annars. 

Þegar drengirnir voru fluttir frá Íslandi til Noregs í það skiptið þurfti að beita valdi þar sem drengirnir vildu ekki fara, sagði Edda, þegar gæsluvarðhaldsúrskurðurinn var tekinn fyrir á laugardag.

Edda flutti drengina síðan frá Noregi með einkaflugvél í mars á síðasta ári. Þegar íslensk yfirvöld reyndu fyrr á þessu ári að flytja drengina aftur til Noregs neituðu drengirnir aftur að fara, sagði Edda. 

„Kvartað hefur verið yfir aðkomu íslenskra stjórnvalda að málinu til Alþingis og er málið til meðferðar þar,“ segir í gæsluvarðhaldsúrskurðinum. 

Telur ekki að háttsemin hafi verið refsiverð

Þar kemur jafnframt fram að Edda telji að hún hafi ekki sýnt af sér refsiverða háttsemi þegar hún flutti drengina frá Noregi til Íslands þar sem hún telur að drengirnir, sem eru tólf og tíu ára gamlir, eigi sjálfir að fá að velja hjá hvoru foreldrinu þeir búi. Hún sagðist telja að drengirnir muni þjást ef þeim verður skilað til Noregs.

Þegar hún var spurð hvort hún myndi leggja sitt af mörkum til að yfirvöld gætu hitt og talað við börnin sagði hún að það færi eftir því hvort yfirvöld vildu bara tala við þau eða taka þau með sér.

Vildi bera ökklaband en ekki gæsluvarðhald

Edda var handtekin á Íslandi 28. nóvember síðastliðinn að beiðni norska ríkissaksóknarans og framseld til Noregs 1. desember. Hún var flutt í gæsluvarðhald í kjölfarið en Edda mótmælti beiðni norska ríkissaksóknarans um gæsluvarðhald yfir henni og sagðist viljug til þess að bera ökklaband fram að fyrirtöku málsins. 

Það féllst dómarinn ekki á og samþykkti beiðni norska ríkissaksóknarans um gæsluvarðhald yfir Eddu til 30. desember að hámarki. Dómarinn taldi ástæðu til þess að óttast að Edda myndi komast undan ef henni yrði sleppt. Máli sínu til stuðnings sagði hann að Edda hafi reynt að komast hjá handtöku á Íslandi í nóvembermánuði og að sú aðferð sem hún notaði til þess að koma drengjunum frá Noregi í fyrra gæfi til kynna að hún hefði aðgang að úrræðum til þess að komast undan. Þá sagði hann útlit fyrir að hún vildi ekkert gefa uppi um staðsetningu barnanna. 

Faðirinn hneykslaður

Sjak R. Haaheim, lögmaður barnsföður Eddu, segir að réttarhöldin séu fyrirhuguð 19. og 20. desember næstkomandi. Í yfirlýsingu frá föðurnum, sem er Íslendingur en hefur búið lengi í Noregi, sem Haaheim sendi Heimildinni, kemur fram að faðirinn hafi fylgst með umræðunni á Íslandi og sé „hneykslaður yfir því hversu margir láta sig réttindi sakborninganna varða og hversu lítil samfélagsumræða er um réttindi barnanna.“ 

Þá bendir Haaheim á að Barnasáttmáli Sameinuðu Þjóðanna, Haag samkomulagið frá 1980 og íslensk og norsk refsilög eigi að „vernda börn gegn því að vera rænt til annars lands af foreldrum sínum eða öðrum.“ 

Faðirinn segir að drengirnir séu norskir ríkisborgarar og að þeir eigi dýpstar rætur í Noregi. Hann hvetur  þá sem „láta sig réttindi barnanna varða“ að láta lögreglu vita um dvalarstað barnanna, sem séu stödd í miðju átaka fullorðinna.   

„Það er áhyggjuefni að stjórnmálamenn og lögfræðingar á Íslandi gleymi útgangspunktinum: Að það eru börnin – ekki fullorðna fólkið – sem þarfnast verndar.“

Erfitt að heyra rödd drengjanna þegar staðsetning þeirra er á huldu

Faðirinn hefur farið þess á leit við norskan dómstól að hann skipi lögmann sem getur komið fram fyrir hönd barnanna, óháð foreldrunum. „Þar sem börnin eru falin á Íslandi verður erfitt að heyra rödd barnanna í sakamálinu sem brátt verður tekið fyrir frammi fyrir norskum dómstólum,“ segir í yfirlýsingunni.  

Sjak, sem hefur áður tekið að sér mál sem varða börn sem hafa verið numin á brott frá Noregi, segir að venjulega taki það ekki nema nokkra mánuði áður en börn sem eru ólöglega flutt þaðan þangað til þau eru flutt aftur til Noregs. Í yfirlýsingunni segir að það sé algengt að börnum sem sé rænt segist „vilja vera með ræningjanum.“ 

„Ísland getur orðið að griðastað barnaræningja“
Sjak R. Haaheim
Lögmaður barnsföður Eddu Bjarkar Arnardóttur

„Að [Edda] haldi því fram að börnin „vilji“ búa hjá henni er því ekki óvænt og verður að skiljast í samhengi við þá vitneskju sem við höfum um börn sem hefur verið rænt.“ 

Sjak furðar sig á þeirri stefnu sem málið hefur tekið í umræðunni á Íslandi og segir að fara verði að lögum í málinu.

„Ísland getur orðið að griðastað barnaræningja eins og lönd eins og Tsjetsjnía, Tyrkland og Marokkó. Það eru Íslendingar sjálfir sem velja hverjum þeir líkjast,“ segir Sjaak.  

Aðstandendum Eddu blöskrar

Aðstandendur Eddu hafa í samtölum við Heimildina undanfarið furðað sig á þeirri meðferð sem hún hefur fengið. Ragnheiður Arnardóttir, systir Eddu, sagði til að mynda í samtali við Heimildina fyrir helgi að Edda hefði ekki hlotið mannúðlega meðferð í ferlinu. Karl Udo, eiginmaður Eddu, sagði að honum blöskruðu aðgerðir yfirvalda.

„Hún þráir ekkert heitara en að vera með fjölskyldunni sinni. Hún vill bara vera með börnunum sínum. Þetta er móðir að vernda börnin sín,“ sagði Karl fyrir helgi.

Kjósa
19
Hvernig finnst þér þessi grein? Skráðu þig inn til að kjósa.

Athugasemdir (2)

Skráðu þig inn til að skrifa athugasemd eða kjósa.
  • Auður Helg skrifaði
    Stundum lætur fólk reiði og vondar tilfinningar stjórna sér. Ég vona að foreldrarnir segi upp þessu lögfræðingastóði og ráði frekar sálfræðinga til þess að sættast. Það er engin hemja að telja að móðir barnanna eigi að sitja í fangelsi. Það getur ekki verið vilji barnanna eða þeim fyrir bestu.
    0
  • Axel Axelsson skrifaði
    aðgát skal höfð í nærveru móður . . .
    0
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Mál Eddu Bjarkar

Forræðisdeila Eddu Bjarkar og barnsföður hennar: Hvað gerðist eiginlega?
GreiningMál Eddu Bjarkar

For­ræð­is­deila Eddu Bjark­ar og barns­föð­ur henn­ar: Hvað gerð­ist eig­in­lega?

Deil­ur ís­lenskra for­eldra, sem hafa stað­ið yf­ir í fimm ár, hafa ver­ið dregn­ar fram í ær­andi skært kast­ljós fjöl­miðla á síð­ast­liðn­um mán­uði. For­eldr­arn­ir, Edda Björk Arn­ar­dótt­ir og barns­fað­ir henn­ar, eiga sam­an fimm börn og hafa deil­ur þeirra far­ið fram svo oft frammi fyr­ir dóm­stól­um að tvær hend­ur þarf til þess að telja skipt­in.

Mest lesið

Sema segir engar mútur hafa verið greiddar – Ráðamenn reyni að sverta mannorð sjálfboðaliða
5
FréttirFöst á Gaza

Sema seg­ir eng­ar mút­ur hafa ver­ið greidd­ar – Ráða­menn reyni að sverta mann­orð sjálf­boða­liða

Stofn­andi og for­seti Solar­is, sem hef­ur unn­ið að því að koma dval­ar­leyf­is­höf­um frá Gaza til Ís­lands, seg­ir það „gjör­sam­lega sturl­að“ að fylgj­ast með ráð­herr­um í rík­is­stjórn Ís­lands, stofn­un­um og þing­fólki sem ýji ít­rek­að að því að hún og aðr­ir sjálf­boða­lið­ar séu að brjóta af sér „og jafn­vel fremja lög­brot í við­leitni okk­ar til að koma fólki und­an þjóð­ern­is­hreins­un­um.“
Viðskiptavild helmingurinn af 5,5  milljarða kaupum Kviku af hluthöfum bankans
6
Viðskipti

Við­skipta­vild helm­ing­ur­inn af 5,5 millj­arða kaup­um Kviku af hlut­höf­um bank­ans

Al­menn­ings­hluta­fé­lag­ið Kvika, sem er með­al ann­ars í eigu líf­eyr­is­sjóða, keypti meiri­hluta í bresku fast­eigna­veð­lána­fyr­ir­tæki ár­ið 2022. Fyr­ir­tæk­ið var áð­ur í eigu for­stjóra Kviku, Ár­manns Þor­valds­son­ar, sem starf­aði þar í nokk­ur ár. Þeir sem seldu Kviku fyr­ir­tæk­ið voru með­al ann­ars stærsti einka­að­il­inn í hlut­hafa­hópi bank­ans, Stoð­ir. FME hef­ur áð­ur sekt­að Kviku út af við­skipt­um sem tengj­ast Ort­us. Kvika seg­ir ekk­ert at­huga­vert við við­skipt­in og að hlut­laust­ir ut­an­að­kom­andi sér­fræð­ing­ar hafi kom­ið að þeim.

Mest lesið

Mest lesið í vikunni

Unglingsstúlku í strætó hótað nauðgun og morði - „Allir heyrðu og sáu en enginn gerði neitt“
1
Fréttir

Ung­lings­stúlku í strætó hót­að nauðg­un og morði - „All­ir heyrðu og sáu en eng­inn gerði neitt“

Sex strák­ar sögðu við 14 ára stúlku í strætó að þeir ætl­uðu að nauðga henni og mömmu henn­ar og síð­an myndu þeir drepa þær báð­ar. Stúlk­an varð dauð­hrædd og þor­ir ekki aft­ur í strætó. Fram­kvæmda­stjóri Strætó seg­ir vagn­stjóra hafa átt að bregð­ast harð­ar við. Móð­ir­in kall­ar eft­ir því að al­menn­ing­ur láti sig ör­yggi sam­ferða­manna sinna varða.
Ferðasagan: Frá sprengjuregni á Gaza í hljóðlátan Hafnarfjörð
2
Viðtal

Ferða­sag­an: Frá sprengjuregni á Gaza í hljóð­lát­an Hafn­ar­fjörð

Fyr­ir ör­fá­um vik­um bjuggu Abeer Herzallah og dæt­ur henn­ar þrjár í tjaldi í Rafah. Há­vað­inn í sprengj­um var orð­inn al­vana­leg­ur og þeim fannst dauð­inn nálg­ast. Svo breytt­ist allt við skila­boð­in: „Þið er­uð komn­ar með leyfi til að fara héð­an.“ Það var kom­inn tími á ferða­lag til Ís­lands, til eig­in­manns­ins sem Abeer hafði ekki hitt í tvö ár.
Flúði vændi en verður send út í annað sinn: „Ég vil að hún viti að ég reyndi allt“
5
FréttirFlóttamenn

Flúði vændi en verð­ur send út í ann­að sinn: „Ég vil að hún viti að ég reyndi allt“

Níg­er­ísk­ar kon­ur sem hing­að leita eft­ir dvöl á Ítal­íu hafa í mörg­um til­vik­um ver­ið neydd­ar út í vændi þar og vilja ekki snúa aft­ur, því þær vita hvað bíð­ur þeirra. Ein kvenn­anna kom aft­ur til Ís­lands ör­fá­um dög­um eft­ir að hún fékk end­ur­komu­bann til þriggja ára, því hún sá enga aðra leið út.
Leggjast hart gegn nýrri smágreiðslulausn sem gæti sparað heimilum milljarða
6
Greining

Leggj­ast hart gegn nýrri smá­greiðslu­lausn sem gæti spar­að heim­il­um millj­arða

Sam­tök fjár­mála­fyr­ir­tækja segja að frum­varp sem mun gera Seðla­bank­an­um kleift að koma á fót inn­lendri smá­greiðslumiðl­un geri „ráð fyr­ir óvenju­legu inn­gripi í rekst­ur fyr­ir­tækja á sam­keppn­ismark­aði“. Heim­ili lands­ins greiddu alls 37 millj­arða króna í bein og óbein þjón­ustu­gjöld vegna notk­un­ar á greiðslu­kort­um á ár­inu 2022.
Þorsteinn Már og Helga eiga rúmlega 71 milljarð og skulda nánast ekki neitt
8
Greining

Þor­steinn Már og Helga eiga rúm­lega 71 millj­arð og skulda nán­ast ekki neitt

Mikl­ar breyt­ing­ar hafa ver­ið gerð­ar á Sam­herja­sam­stæð­unni á síð­ustu ár­um og eign­ar­hald á henni að stóru leyti fært yf­ir til barna stofn­enda fyr­ir­tæk­is­ins. Fé­lag í eigu barna Þor­steins Más Bald­vins­son­ar sem fékk selj­endalán frá for­eldr­um sín­um til að kaupa hlut þeirra í Sam­herja hef­ur ein­ung­is greitt vexti af lán­inu og hagn­ast alls um 16 millj­arða króna á þrem­ur ár­um.

Mest lesið í mánuðinum

Uppsagnir á Sóltúni eftir tveggja milljarða útgreiðslu: „Það er gríðarlega þungbær ákvörðun“
1
FréttirEinkarekstur í heilbrigðiskerfinu

Upp­sagn­ir á Sól­túni eft­ir tveggja millj­arða út­greiðslu: „Það er gríð­ar­lega þung­bær ákvörð­un“

Einka­rekna hjúkr­un­ar­heim­il­ið Sól­tún hef­ur stað­ið fyr­ir upp­sögn­um síð­ustu vik­urn­ar til að laga rekst­ur­inn sem sagð­ur er ganga illa. Sam­hliða hafa eig­end­ur Sól­tún stað­ið í fast­eigna­við­skipt­um í gegn­um rekstr­ar­fé­lag­ið og tek­ið há­ar fjár­hæð­ir út úr því. Fyrr­ver­andi og nú­ver­andi starfs­menn gagn­rýna stjórn­end­ur Sól­túns fyr­ir upp­sagn­irn­ar.
Móðir Marks heitins: „Þetta er í raun og veru léttir“
2
Úttekt

Móð­ir Marks heit­ins: „Þetta er í raun og veru létt­ir“

Mark Gunn­ar Roberts lést á Þor­láks­messu. Nokkr­um dög­um áð­ur hafði hann fund­ist með­vit­und­ar­laus í fanga­klefa sín­um á Hólms­heiði. Mark ólst upp við drykkju og of­beldi föð­ur síns og ára­tug­um sam­an reyndi móð­ir hans að fá hjálp fyr­ir son sinn, sagði hann „hættu­leg­an án lyfja­gjaf­ar“, en án ár­ang­urs. Síð­ustu ár átti Mark ekki í nein hús að venda önn­ur en neyð­ar­skýli fyr­ir heim­il­is­lausa eða fang­elsi.
Aðstandendur íbúa á Sóltúni beðnir um að þrífa: „Þarna blöskraði mér gjörsamlega“
3
FréttirEinkarekstur í heilbrigðiskerfinu

Að­stand­end­ur íbúa á Sól­túni beðn­ir um að þrífa: „Þarna blöskr­aði mér gjör­sam­lega“

Stjórn­end­ur hjúkr­un­ar­heim­il­is­ins Sól­túns báðu að­stand­end­ur íbúa að hjálpa til við þrif með eig­in tusk­um og hreinsi­efn­um ár­ið 2022. Það var eft­ir að eig­end­urn­ir seldu fast­eign hjúkr­un­ar­fé­lags­ins fyr­ir 3,8 millj­arða, leigðu hús­næð­ið af kaup­and­an­um, greiddu sér 2 millj­arða út úr fé­lag­inu og fóru svo í nið­ur­skurð á þjón­ust­unni. Að­stand­end­ur og starfs­fólk lýsa reynslu sinni af starf­sem­inni og þjón­ustu við gamla fólk­ið.
Unglingsstúlku í strætó hótað nauðgun og morði - „Allir heyrðu og sáu en enginn gerði neitt“
5
Fréttir

Ung­lings­stúlku í strætó hót­að nauðg­un og morði - „All­ir heyrðu og sáu en eng­inn gerði neitt“

Sex strák­ar sögðu við 14 ára stúlku í strætó að þeir ætl­uðu að nauðga henni og mömmu henn­ar og síð­an myndu þeir drepa þær báð­ar. Stúlk­an varð dauð­hrædd og þor­ir ekki aft­ur í strætó. Fram­kvæmda­stjóri Strætó seg­ir vagn­stjóra hafa átt að bregð­ast harð­ar við. Móð­ir­in kall­ar eft­ir því að al­menn­ing­ur láti sig ör­yggi sam­ferða­manna sinna varða.
Ferðasagan: Frá sprengjuregni á Gaza í hljóðlátan Hafnarfjörð
7
Viðtal

Ferða­sag­an: Frá sprengjuregni á Gaza í hljóð­lát­an Hafn­ar­fjörð

Fyr­ir ör­fá­um vik­um bjuggu Abeer Herzallah og dæt­ur henn­ar þrjár í tjaldi í Rafah. Há­vað­inn í sprengj­um var orð­inn al­vana­leg­ur og þeim fannst dauð­inn nálg­ast. Svo breytt­ist allt við skila­boð­in: „Þið er­uð komn­ar með leyfi til að fara héð­an.“ Það var kom­inn tími á ferða­lag til Ís­lands, til eig­in­manns­ins sem Abeer hafði ekki hitt í tvö ár.

Mest lesið í mánuðinum

Nýtt efni

Mest lesið undanfarið ár