Samkvæmisleikurinn „Hver verður næsti forseti Íslands?“ hófst formlega í gær, á nýjársdag, eftir að Guðni Th. Jóhannesson tilkynnti opinberlega að hann ætlaði ekki að gefa kost á sér til áframhaldandi setu í embættinu.

Gylfi Þór Þorsteinsson er einn þeirra sem ýmsum þykja vænlegur arftaki hans. Gylfi er einn þeirra sem var sæmdur riddarakrossinum, heiðursmerki hinnar íslensku fálkaorðu, við hátíðlega athöfn á Bessastöðum í gær en forseti, í þetta skiptið Guðni Th., veitir ávallt riddarakrossinn á fyrsta degi nýs árs. Heiðursmerkið fékk Gylfi „fyrir störf í þágu samfélags og mannúðar“.

Hann starfar nú sem teymisstjóri hjá Rauða krossi Íslands en varð landsþekktur þegar hann sá um rekstur sóttvarnarhúsa Rauða krossins í kórónuveirufaraldrinum.

Fengið áskoranir

„Eins og ég orðaði þetta við einn í gærkvöldi, og kannski orða aftur núna: Haldi þessar beiðnir áfram að koma til mín á næstu dögum …