„Það er svo mikið að gera í að spjalla við fjöl­miðla að ég þarf að fara að rukka ykkur fyrir þetta,“ segir Ólafur Benedikt Arnberg Þórð­ar­son, veit­inga­maður og íbúi í Grinda­vík, en hann komst í frétt­irnar nýverið eftir að honum var hótað hand­töku fyrir að neita að yfir­gefa heim­ili sitt. Hann hafði þá gist þar í nokkra daga, þrátt fyrir til­mæli yfir­valda um annað, en lét þó undan áður en til hand­tök­unnar kom.

Ólafur er engu að síður ósáttur við að fá ekki að vera heima hjá sér og seg­ist ekki vit­und ótt­ast jarð­hrær­ing­arnar. „Það var ekki verið að rýma neitt þegar hin eld­gosin stóðu yfir og eng­inn varði okkur íbú­ana fyrir ágangi þeirra sem komu að skoða þau gos. Það var ekki hægt að keyra hér um plássið,“ segir Ólafur, sem var staddur á heim­ili sínu í Grinda­vík þegar blaða­maður náði tali af honum síð­degis á fimmtu­dag. 

…