Sig­ur­geir Brynjar Krist­geirs­son, fram­kvæmd­ar­stjóri Vinnslu­stöðv­ar­innar í Vest­mann­eyjum, seg­ist í sam­tali við Heim­ild­ina ekki vita frá hvaða Afr­íku­ríki upp­haf­legir kaup­endur tækni­bún­aðs sem umbreytir í sjó í drykkj­ar­vatn eru. „Ég bara er ekki með það á hreinu, ég held að það sé ekki Namibía,“ segir Sig­ur­geir. 

Vinnslu­stöðin sendi frá yfir­lýs­ingu fyrir stuttu þar sem til­kynnt var um að fyr­ir­tækið hefði gengið frá kaupum þremur gámum af tækni­bún­aði frá hol­lensku fyr­ir­tæki. Þá segir í til­kynn­ing­unni að fyr­ir­tæk­inu hafi tek­ist að útvega sér tækin með því að ganga inn í samn­ing sem upp­haf­lega var gerður milli fyr­ir­tækis í Hollandi og aðila í ónefndu ríki í Afríku. Vinnslu­stöðin hafi tek­ist ná sam­komu­lagi um að kaupa og flytja inn tækin til sín á meðan aðil­arnir í Afríku myndu þess í stað bíða lengur eftir sínum bún­aði.

Spurður nánar út í þessi við­skipti segir Sig­ur­geir kaup­end­urna í Afríku hafa lent í erf­ið­leikum sem hafi verið þess vald­andi að þeir voru ekki reiðu­búnir til þess að taka við tækja­bún­að­inum. „Þannig þetta hent­aði þeim bara ágæt­lega að við færum inní þetta af því þeir gátu ekki borgað eða gátu ekki gengið frá,“ segir Sig­ur­geir. Þá bendir hann á að við­skiptin hafi verið gerð í sam­vinnu við selj­anda og kaup­anda og full sam­komu­lag hafi verið um að Vinnslu­stöðin keypti bún­aðin og að aðil­arnir í Afríku fengju næstu fram­leiðslu. 

Eins og fram hefur komið, eru kaupin á þessu tækjum við­bragð við skemmdum sem urðu á neyslu­vatn­lögn­inni til Vest­mann­eyja, þegar skipið Huginn VE, sem er gert út af Vinnslu­stöð­inni, missti akk­eri með þeim afleið­ingum að neyslu­vatns­lögn skemmd­ist. Í til­kynn­ingu Vinnslu­stöðv­ar­innar segir að Vinnslu­stöðin þurfi ekki allar þrjár vél­arnar og til standi að bjóða Ísfé­lag­inu og Vest­manna­eyjabæ að kaupa hinar tvær vél­arnar. Hver vél kostar á milli 90 til 100 millj­ónir króna.

Aðspurður hvort stjórn­endur Vinnslu­stöðv­ar­innar hefðu íhugað að gefa annað tækið til bæj­ar­ins, í ljósi þess að skip á vegum útgerð­ar­innar olli fyr­greindum skemmdum, svar­aði Sig­ur­geir því neit­andi. Þá tekur hann fram að óvíst sé hvort að bær­inn taki við til­boð­inu. „Við vitum bara að það er þörf fyrir vatnið og við bara kaupum þetta og leysum við þetta bara í fram­hald­inu. Ég er ekki viss um að það verði Vest­mann­eyja­bær sem kaupir, ég veit ekk­ert um það.“