Á Borgarbókasafninu í Grófinni eru feðginin Snæbjörn Brynjarsson og Sigríður Brynja Snæbjörnsdóttir önnum kafin í leik í litlu tréhúsi í barnahorninu.
„Hún krafðist þess að fara á stóra bókasafnið. Mig langaði að fara í sund og pakkaði fyrir það en hún tók eiginlega ekki annað í mál en að fara á stóra bókasafnið, ég veit ekki einu sinni hvernig hún mundi eftir því. Við erum búin að leika okkur í þessu húsi heillengi og núna áðan var ég að fara í leikskólann og hún í vinnuna þannig að við erum búin að vera í ýmsum hlutverkaleikjum.
Annars er ég svo tómur í höfðinu þessa stundina, það er eiginlega ekkert mér efst í huga. Mig langar alveg að segja eitthvað eins og að Ísrael-Palestína væri mér efst í huga en það er bara ekki raunin ef ég á að segja eins og er. Ég er nýbúinn að vera í mikilli vinnutörn og er bara í nokkurra daga fríi. Ég er búinn að slökkva á öllu. Það þarf að safna smá orku og sofa aðeins meira. Ég er nýkominn í bæinn, ég bý í Hornafirði. En ætli það sé ekki sextugsafmæli tengdaföður míns sem er núna á næstunni, þess vegna erum við í bænum.
„Núna erum við bara tvö að hanga“
Við konan mín fundum vinnu í Hornafirði sem okkur finnst skemmtileg og svo eigum við smá fjölskyldu á svæðinu. Við höfum aldrei búið úti á landi og langaði að prufa það. Við erum búin að vera einn vetur en það sem heldur okkur þar er hvað þetta er þægilegt samfélag og skemmtilegt fólk og ótrúlega margt hægt að gera eins og í bænum. Það er auðveldara að koma hlutum í kring sem er miklu flóknara að skipuleggja og framkvæma í bænum.
Konan mín kemur á miðvikudaginn með hina dóttur okkar, sem er aðeins yngri, þá förum við í allt annað prógramm. Núna erum við bara tvö að hanga. Það er allt annað líf þegar við erum tvö. Það er ákveðin gæðastund. Ég leyfi henni bara að ráða ferðinni og sjá hvað hún vill sjá í borginni. Ég var búinn að ímynda mér að við myndum fara í Laugardalslaug eða Húsdýragarðinn eða eitthvað svona. En svo krafðist hún þess að fara og sjá bókasafnið. Það getur vel verið að við tökum strætóferð upp á djókið, þó að við séum á bíl, en það kemur í ljós. Sigríður Brynja, hvað langar þig að gera í Reykjavík?“
Fólkið í borginni
„Af hverju situr þú þá hér í þessu láglaunastarfi?“
„Sárið er enn opið“ 36 árum eftir að hún fæddi andvana barn
Þurfti að æfa glímu í stað fimleika
„Þakklát fyrir öll mín forréttindi“
Heill heimur í íslenskum fornbréfum
Athugasemdir