Sam­ein­aða útgáfu­fé­lagið, útgef­andi Vís­bend­ingar, hefur ráðið Ásgeir Brynjar Torfason, doktor í fjár­málum, sem nýjan rit­stjóra Vís­bend­ingar. Ásgeir hefur skrifað greinar í Vís­bend­ingu árum saman. Hann tekur við rit­stjórn­inni af Emil Dagssyni, sem flutti til Banda­ríkj­anna í haust þar sem hann dvelur við rann­sóknir og lét sam­hliða af störfum. 

Ásgeir Brynjar segir að hann sé ákaf­lega spenntur að taka við rit­stjórn Vís­bend­ingar. „Ritið las ég fyrst þegar ég lærði hag­fræði og heim­speki undir lok síð­ustu aldar, og skrif­aði fyrstu tvær greinar mínar í það upp úr dokt­ors­rit­gerð minni fyrir hart­nær ára­tug. Nú þegar ég hef skrifað sam­tals fimm­tíu greinar í Vís­bend­ingu þykir mér mik­ill heiður að taka við rit­stjórn þess.“ 

Hann segir mark­mið sitt verða að efla gagn­rýna og vand­aða umræðu um efna­hags­mál og við­skipti auk þess sem honum þyki spenn­andi að útvíkka efn­is­tök þannig að þau nái yfir nýsköpun, ferða­mál og skap­andi greinar. „Viku­ritið Vís­bend­ing hefur mik­il­vægu hlut­verki að gegna á þeim miklu efna­hags­legu umbrota­tímum sem við lifum nú um stundir við að stuðla að vönd­uðum skrifum í tengslum við end­ur­sköpun sem á sér stað á sviði heim­s­vip­skipta og alþjóð­legra fjár­mála sam­hliða upp­bygg­ingu efna­hags­legrar umgjarðar þjóð­fé­lags­ins eftir heims­far­aldur á tímum lofts­lags­breyt­inga og tog­streitu á alþjóða­vísu. Það verður rit­stjórn­ar­legt mark­mið mitt að gera grein fyrir og greina það til gagns fyrir áskrif­endur.“

Ásgeir Brynjar er með dokt­ors­próf í fjár­málum frá Gauta­borg árið 2014 og MBA frá Ósló 2001 en upp­haf­lega lærði hann heim­speki og hag­fræði á síð­asta ára­tug síð­ustu aldar við Háskóla Íslands. Þar hefur hann bæði starfað sem skrif­stofu­stjóri rekstrar og fram­kvæmda en einnig sem lektor í við­skipta­fræði­deild. Þá hefur Ásgeir Brynjar einnig starfað sem fram­kvæmda­stjóri norð­ur­landa­skrif­stofu alþjóð­lega fast­eigna­fjár­fest­inga­fyr­ir­tækið Prologis um þriggja ára skeið og setið sex ár í fjár­mála­ráði kos­inn af Alþingi til að sinna eft­ir­lits­hlut­verki yfir stefnu­mörkun opin­berra fjár­mála.

Langhlaupari sem siglir milli landa

Ásgeir Brynjar er 50 ára gam­all, býr í Reykja­vík en alinn upp á Sel­tjarn­ar­nesi og í Borg­ar­firði. Hann bjó í meira en ára­tug í Skand­in­avíu og er tveggja barna faðir og nýorð­inn, mjög stoltur, afi. Hann er mik­ill hlaup­ari og hefur lokið Gauta­borgar-hálf­mara­þonið tíu sinnum, Óslóar-mara­þonið einu sinni og Laug­ar­veg­inn-Ultra fimm sinnum. Auk þess hefur Ásgeir Brynjar hlaupið tvö 50 kíló­metra löng og eitt 100 kíló­metra langt fjalla­hlaup í ítölsku, sviss­nesku og frönsku ölp­unum ásamt því að hafa siglt til Íslands á skútum bæði frá Noregi og Færeyjum.

Þórður Snær Júl­í­us­son, ábyrgð­ar­maður Vís­bend­ingar, sinnti rit­stjórn rits­ins frá því að Emil lét af störfum og þar til að Ásgeir Brynjar tók við í lið­inni viku. Þórður Snær segir mik­inn feng í að fá Ásgeir Brynjar til liðs við Vís­bend­ingu. Hann búi yfir mik­illi og víð­feðmri þekk­ingu á efna­hags­málum, hafi aflað sér fjöl­breyttrar reynslu og verið árum saman í grein­ing­ar­hlut­verki hjá ýmsum fjöl­miðlum. „Í ár varð Vís­bend­ing 40 ára sem fagnað var með veg­legri afmæl­is­út­gáfu, mál­þingi og veit­ingu Vís­bend­ing­ar­verð­launa sem veitt voru fyrir fram­úr­skar­andi loka­rit­gerð á sviði við­skipta- og hag­fræði. Sömu­leiðis fékk Vís­bend­ing löngu tíma­bæra útlitsút­færslu og sér­stök heima­siða var sett í loftið. Með þessu stigum við fyrstu skrefin í átt að því að auka þjón­ustu við les­endur Vís­bend­ingar og inn­reið rits­ins inn í hinn staf­ræna veru­leika. Um leið og ég þakka Emil góð störf býð ég Ásgeir Brynjar hjart­an­lega vel­kom­inn til starfa.“

Hægt er að ger­ast áskrif­andi að Vís­bend­ingu hér.