Bergdís Ingibjörg Eggertsdóttir starfar sem skrifstofustjóri Flugfreyjufélags Íslands, stéttarfélags flugfreyja og flugþjóna. Hún situr í þrítugasta sæti yfir tekjuhæstu Íslendinga síðasta árs með 786.916 krónur í mánaðarlaun og fjármagnstekjur upp á 520.560.077 krónur.

Bergdísi brá heldur betur í brún þegar hún fékk þær fréttir yfir símann að hún væri í þrítugasta sæti tekjulistans. Ef tekjur eru skoðaðar eftir sveitarfélögum er Bergdís í 5. sæti yfir tekjuhæstu íbúa í Kópavogi. 

„Við hjónin áttum fyrirtæki með öðru pari og seldum það í fyrra. Þar sem ég er eldri en maðurinn minn þá skráist þetta í rauninni á mig,“ útskýrir Bergdís sem átti fyrirtækið Fossberg ehf.

Fyrirtækið var stofnað árið 1927 af Gunnlaugi Jónssyni Fossberg og selur í dag fjöldann allan af iðnaðarvörum og verkfærum. „Þetta er söluhagnaður af fyrirtækinu sem við vorum búin …