Auður Anna Magn­ús­dóttir, fram­kvæmda­stjóri Land­verndar, segir að það sé kom­inn tími til að Íslend­ingar girði sig í brók þegar kemur að end­ur­vinnslu hér á landi. Hún segir kerfið vera komið í ógöngur og að hætta verði að not­ast við einnota drykkj­ar­um­búðir, en Íslend­ingar nota nokkur hund­ruð millj­óna einnota drykkj­ar­um­búða á ári hverju.

„Það er mjög gott að það komi fram hvað verður um þessar fernur. Það er nátt­úr­lega ótækt að það sé verið að sann­færa fólk um eitt­hvað annað. Við erum komin í ógöngur með þetta eins og annað. Við lítum bara á end­ur­vinnslu sem neyð­ar­úr­ræði. Við eigum að nýta hlut­ina aftur og aftur og aftur. Þetta er kerfi sem við erum búin að reyna núna í 30 ár og þetta er flókn­ara og flókn­ara, erf­ið­ara og erf­ið­ara og ægi­leg leynd. Þetta virð­ist ekki ganga upp. Þannig að við verðum að hætta þessu einnota umbúða kerfi, þær eru bara ekki að virka. Við þurfum öðru­vísi kerfi. Við þurfum að umbreyta kerf­unum sem við erum með því þau eru ekki að virka.“

Auður segir að það þurfi að laga end­ur­vinnslu­kerfið hér á landi og gera það almenni­lega.

„Það er kom­inn tími til að við girðum okkur í brók og tökum á þessu máli eins og öllum öðrum. Og þá verður að gera það almenni­lega, ekki með ein­hverjum svona plástrum eins og hefur verið. Þetta bara virkar ekki.“

Fá ekki sæti við borðið

Þá segir Auður að Land­vernd hafi í tölu­verðan tíma reynt að fá áheyrn­ar­full­trúa í stjórn Úrvinnslu­sjóðs, en sjóð­ur­inn hefur ekki orðið við þeirri beiðni. Neyt­enda­sam­tökin hafa einnig beðið um áheyrn­ar­full­trúa hjá stjórn sjóðs­ins, en líka fengið neitun frá sjóðnum. Auður telur það gríð­ar­lega mik­il­vægt að sam­tök eins og Land­vernd séu við borðið þegar mik­il­vægar ákvarð­anir eru ræddar eða teknar í umhverf­is­málum hér á landi.

„Það er nátt­úr­lega gríð­ar­lega mik­il­vægt en það er eins og í öðrum starfs­hópum að þetta virð­ist vera stefna hjá umhverf­is­ráðu­neyt­inu núna eins og þið hafið fjallað um hjá Heim­ild­inni, að úti­loka í raun þá sem vita eitt­hvað um málið. Að úti­loka umhverf­is­vernd­ar­sam­tök frá til dæmis starfs­hóp­unum sem eiga að fjalla um umhverf­is­mál. Þannig að þetta er bara mjög slæmt. Svo er leitað til alþjóð­legra ráð­gjafa­fyr­ir­tækja sem að þekkja málin illa. Nýjasta málið hérna á Íslandi er það sem ég fjall­aði um síð­ast, sem er skýrsla Boston Consulting Group um fisk­eldið, þar sem er aug­ljóst að þeir sem skrifa skýrsl­una vita ekk­ert um málið. Þekkja bara pen­inga. Þannig að svona ákvarð­ana­taka hjá þeim sem við höfum kosið til að taka ákvarð­anir fyrir okkur og emb­ætt­is­menn sem eru ráðnir til þess, það er bara komið í hend­urnar á ráð­gjaf­ar­fyr­ir­tækjum sem horfa bara á pen­inga,“ segir Auður Anna.