Laun ráða­manna hækka minna en ráð var fyrir gert, líf­eyrir almann­na­trygg­ingar verður hækk­aður, frí­tekju­mark hús­næð­is­bóta leigj­enda verður hækkað aft­ur­virkt, stofn­fram­lög til upp­bygg­ingar leigu­í­búða og hlut­deild­ar­lán verða aukin og fram­kvæmdum á vegum hins opin­bera verður frestað. Þetta er meðal aðgerða sem rík­is­stjórn­inn hefur kynnt, sem miða að því að takast á við verð­bólgu.

Í til­kynn­ingu á vef stjórn­ar­ráðs­ins þar sem umræddar aðgerðir eru tíund­aðar er lögð áhersla á að afkoma rík­is­sjóðs fari stór­batn­andi miðað við áætl­anir og frum­jöfn­uður verði jákvæður um 44 millj­arða króna, 90 millj­örðum betri afkoma en reiknað var með við sam­þykkt fjár­laga í des­em­ber síð­ast­liðnum.

Til við­bótar við þessa bættu afkomu sé því nú ráð­ist í aðgerðir til að vinna gegn verð­bólgu og gegn hækkun vaxta, til að styðja við aðgerðir Seðla­bank­ans og sporna gegn þenslu. Þar ber fyrst að nefna að leggja á fram frum­varp um að launa­hækk­anir þjóð­kjör­inna full­trúa og æðstu emb­ætt­is­manna rík­is­ins verði í ár 2,5 pró­sent, í stað 6 pró­sent. „Þannig er tryggt að laun æðstu ráða­manna auki ekki verð­bólgu­þrýst­ing,“ segir í til­kynn­ing­unni. Laun Katrínar Jak­obs­dóttur munu því sem dæmi hækka um tæpar 62 þús­und krónur á mán­uði, í stað þess að hækka um 148 þús­und krónur. Eftir hækk­un­ina verður for­sæt­is­ráð­herra með 2.532.293 krónur í mán­að­ar­laun.

Þá hefur rík­is­stjórnin ákveðið að til verja kaup­mátt örorku- og elli­lif­eyr­is­þega verði líf­eyrir almanna­trygg­inga hækk­aður um 2,5 pró­sent frá miðju ári, ogan á 7,4 pró­sent hækkun í upp­hafi árs.

Hækka frítekjumark leigjenda

Frí­tekju­mark hús­næð­is­bóta leigj­enda verður hækkað um 2,5 pró­sent aft­ur­virkt frá árs­byrjun og unnið er að laga­breyt­ingum sem muni bæta rétt­ar­stöðu leigj­enda. Á starfs­hópur að skila nið­ur­stöðum þar um fyrir 1. júlí.

Samkvæmt til­lög­unum á að kanna laga­breyt­ingar er lúta að heimagist­ingu, með það að mark­miði að draga úr þrýst­ing á hús­næð­is­markað. Að sama skapi á að tvö­falda stofn­fram­lög til upp­bygg­ingar leigu­í­búða inna almenna íbúða­kerf­is­ins. Framlög til hlut­deild­ar­lána verða einnig tvö­földuð þannig að á árunum 2024 og 2025 verði byggðar árlega 1.000 íbúðir með stuðn­ingi rík­is­ins. Þá verði 250 íbúðum aukið við áætl­anir yfir­stand­andi árs.

Þá á að draga saman seglin í rekstri rík­is­ins með frestun fram­kvæmda og því að draga úr þenslu­hvetj­andi skattaí­viln­unum. Meðal þeirra fram­kvæmda sem verður frestar eru nýbygg­ing stjórn­ar­ráðs­ins, sem raunar hefur áður verið frestað, og sam­hæf­ing­ar­mið­stöð við­bragðs­að­ila. Þá á að afla nýrra tekna upp á rúma 18 millj­arða með ýmsum leiðum.