Morð á 12 ára vinkonu vekur spurningar og óhug

Óhugur og óhugs­andi spurn­ingar þjaka Þjóð­verja eftir að tvær skóla­stúlkur, tólf og þrettán ára, myrtu vin­konu sína, hina tólf ára gamla Luise. Þær höfðu áður verið staðnar að ein­elti í garð hennar, en eru of ungar til að telj­ast sak­hæfar.

Luise skil­aði sér ekki heim í borg­inni Freu­den­berg í Nordrein-Westfalen eft­ir­mið­dag­inn á laug­ar­dag­inn eftir að hafa leikið við vin­konu í næsta bæ. Þremur klukku­stundum síðar hringdu for­eldrar hennar á lög­regl­una, þar sem hún hefði átt að vera komin eftir þriggja kíló­metra heim­leið. Í kjöl­farið leit­uðu lög­reglu­menn með hunda og á þyrlum hennar þar til hún fannst dag­inn eftir í skóg­inum við hlið hjóla­stígs, í öfuga átt frá leið­inni heim. Hún reynd­ist vera með „fjöl­mörg stungu­sár“. Eins hræði­legt og atvikið virt­ist fyllt­ust Þjóð­verjar enn meiri hryll­ingi eftir að vin­kon­urnar tvær ját­uðu að hafa myrt Luise.

„Eftir meira en 40 ára þjón­ustu ger­ast ennþá atburðir sem gera mann orð­lausan,“ sagði Jürgen Süs, aðstoð­ar­yf­ir­lög­reglu­þjónn á svæð­inu, á blaða­manna­fundi í fyrra­dag. 

Sak­sókn­ar­inn í hér­að­inu, Mario Mannweiler, átti sömu­leiðis á sama frétta­manna­fundi erfitt með að lýsa mál­inu. „Málið er...“ sagði hann hik­andi, „málið er sér­stakt“. Það sem gerir til­fellið „slá­andi“ að sögn Mannweilers er sýni­lega að ger­end­urnir eru börn úr sama kunn­ingja­hópi og ill­skilj­an­legt til­efni árás­ar­innar. „Málið er ótrú­lega flókið, eins og fólk getur ímyndað sér. Og það sem er til­efni fyrir barni verður aldrei skilj­an­legt full­orðnum.“

Lög­reglan gefur ekki upp hver hvat­inn að morð­inu var.

Þýski mið­ill­inn Süddeutsche Zeitung hefur eftir Thomas Blies­ener, afbrota­fræð­ingi við Gött­ingen-háskóla, að ofbeld­is­verk barna séu oftar til­komin af til­finn­inga­legum ástæðum en hjá full­orðnum. „Ef þau eru móðguð getur það verið heimsendir fyrir sum þeirra og þau geta ekki ímyndað sér að þau kom­ist yfir það.“ Þannig geti börn skynjað ógn sem endi með ofbeldi. Í sjald­gæfum til­fellum geti gerst að börn, eða óþroskuð ung­menni, drepið af for­vitni. Að þau viti ekki að þau geti drepið með því, til dæmis, að stinga í háls­inn.

Börn undir 14 ára aldri eru ósak­hæf í Þýska­landi. Aðstæður stúlkn­anna eru þó til rann­sóknar, sem og kveikjan að árásinni. Farið getur svo að stúlk­urnar verði færðar í geð­hjúkr­un­ar­vist. „Það má gera ráð fyrir því að börnin séu í örygg­is­gæslu,“ segir Mannweiler sak­sókn­ari.

Það sem þykir einna hrylli­leg­ast við morðið er ill­skilj­an­leik­inn. Stúlk­urnar höfðu, sam­kvæmt fréttum þýska mið­ils­ins Bild, virst góðar vin­konur og hitt­ust gjarnan eft­ir­mið­daga eftir skóla. Eftir að hafa framið morðið fóru vin­kon­urnar tvær heim til ann­arrar vin­konu. Þar var önnur þeirra sótt til föður síns, en hin, sem Bild segir að hafi verið „besta vin­kona“ Luise, hringdi í for­eldra Luise og sagði að hún hefði þá lagt af stað þriggja kíló­metra leið­ina heim. Á spjall­svæðum á net­inu hafa aðilar sem þekkja til aðstæðna og deila myndum af þol­and­anum tjáð sig um málið. „Hún var besta vin­kona þín. Hvernig gastu þetta?“ skrif­aði einn net­not­andi. Þeirri spurn­ingu er enn ósvarað.