Fyrri aukaspurning:
Þessi snotra kisa verður fimmtug á næsta ári. Hvað kallast hún?
***
Aðalspurningar:
1. Hvernig er bíll Andrésar Andar á litinn?
2. Hvaða ofurhetja gætir helst að lögum og reglu í Gotham City?
3. Vágar, Suðurey og Sandey eru hlutar af ... hverju?
4. Listakonan Hildur Hákonardóttir hefur fengist við sitt af hverju um ævina en þykir einkum og sér í lagi brautryðjandi á einu sviði. Það er ... hvað?
5. O'Shea Jackson Sr. heitir bandarískur tónlistarmaður sem nú er rúmlega fimmtugur. 1988 átti hann þátt í plötunni Straight Outta Compton sem jók mjög vinsældir hins svonefnda „gangsta rapps“ en nú hin seinni ár er hann þekktari sem leikari, þar á meðal Three Kings frá 1999 með George Clooney og Mark Wahlberg. Hann er fyrst og fremst þekktur undir heldur kuldalegu listamannsnafni, sem er ... hvað?
6. Hvernig endaði sögulegur leikur karlaliða Liverpool og Manchester United 5. mars síðastliðinn?
7. Í ágúst 1958 sigldi bandaríski kafbáturinn USS Nautilus fyrstur allra skipa yfir ákveðið svæði, neðansjávar auðvitað. Hvaða svæði var það?
8. Burtséð frá þessari siglingu þá var ýmislegt merkilegt við USS Nautilus. Hann var fyrsti kafbátur sinnar gerðar, það er að segja ... hvaða gerðar?
9. Kafbáturinn var skírður eftir kafbát í frægri skáldsögu sem ... hver ... skrifaði?
10. Hvað eru margar teskeiðar í einni matskeið? (Þessi spurning var fengin að láni hjá Gettu betur.)
***
Seinni aukaspurning:
Skjaldarmerki hvaða ríkis má sjá hér að neðan? Ég föndraði reyndar aðeins við það.
***
Svör við aðalspurningum:
1. Rauður.
2. Batman.
3. Færeyjum.
4. Vefnaður.
5. Ice Cube.
6. Liverpool vann 7-0.
7. Norðurskautið.
8. Fyrsti kjarnorkukafbáturinn.
9. Jules Verne.
10. Þrjár — nema í Ástralíu en við erum ekki þar.
***
Svör við aukaspurningum:
Á efri myndinni er Hello Kitty.
Á neðri myndinni er skjaldarmerki Banaríkjanna.
Athugasemdir