Fyrri aukaspurning:
Úr hvaða kvikmynd frá 2021 er þetta skjáskot?
Aukastig fyrir nafnið á leikkonunni í rauðu kápunni!
***
Aðalspurningar:
1. Draumaþjófurinn er söngleikur sem nú er sýndur í Þjóðleikhúsinu. Leikurinn er gerður eftir bók, og höfundar leikgerðar eru skráðir tveir. Ætla má að annar höfundurinn hafi fyrst og fremst séð um tónlistina en það er ... hver?
2. Hinn höfundurinn er aftur á móti ... hver?
3. Peppa heitir teiknimyndapersóna sem mun stundum kölluð Gurra á íslensku. Hvernig dýr er Peppa eða Gurra?
4. Hver er fjölmennasta gata á Íslandi?
5. Það einstaka húsnúmer sem flestir búa í er þó sennilega Sæmundargata 21 í Vatnsmýrinni í Reykjavík en þar eru um 300 manns skráðir til heimilis. Hvað er í því húsi?
6. Í röðum franskra listamanna bar Charles-Camille Saint-Saëns nokkuð hátt á ofanverðri 19. öld. Hvaða listgrein stundaði hann?
7. Annar franskur listamaður, mun yngri, heitir Michel Houellebecq. Hvað fæst hann við?
8. Í skammlífri ríkisstjórn Bjarna Benediktssonar 2017 voru þrír flokkar — Sjálfstæðisflokkurinn, Viðreisn og ... hvaða flokkur?
9. Viðreisn átti þrjá ráðherra í stjórninni. Hver gegndu þeim störfum? Nefna þarf öll þrjú.
10. Hver er aflmesti foss á Íslandi?
***
Seinni aukaspurning:
Hver er þetta?
***
Svör við aðalspurningum:
1. Þorvaldur Bjarni.
2. Björk Jakobsdóttir.
3. Grís.
4. Hraunbær.
5. Stúdentagarðar.
6. Tónlist, tónsmíðar.
7. Ritstörf.
8. Björt framtíð.
9. Benedikt Jóhannesson, Þorgerður Katrín og Þorsteinn Víglundsson.
10. Dettifoss.
***
Svör við aukaspurningum:
Efra skjáskotið er úr myndinni Skjálfta. Leikkonan er Aníta Briem.
Neðri myndin er af Brigitte Bardot.
Athugasemdir