Fyrri aukaspurning:

Útlínur hvaða lands má sjá hér fyrir ofan?

***

Aðalspurningar:

1.  Drykkur einn, sem hingað til hefur sjaldan verið talinn frásagnarverður nema helst á leikskólum, hefur á undanförnum árum komist nokkuð í sviðsljósið sem þungamiðja við einskonar andlegar athafnir. Hvaða drykkur er það?

2.  Hvaða spendýr gengur lengst með afkvæmi sín?.

3.  Ef flogið er í beinni loftlínu frá Reykjavík til Akureyrar, Egilsstaða, Hafnar í Hornafirði og Ísafjarðar, hvaða leið er þá lengst?

4.  En hver er næstlengst?

5.  Hver er útkoman ef maður leggur saman punktana á andstæðum hliðum tenings?

6.  Hver er eini Bandaríkjaforsetinn sem fæðst hefur á Havaí-eyjum?

7.  James Bond-kvikmyndirnar tengjast fjölskyldu einni sem hefur í langan tíma staðið framarlega að framleiðslu þeirra. Fjölskyldan ber sama nafn og grænmetistegund ein. Hvað heitir fjölskyldan?

8.  Alexander mikli var upphaflega konungur í ... hvaða landi?

9.  Hvaða lögreglumaður bjó lengi — að sögn — í bænum Ystad og leysti þar erfið sakamál?

10.  Í hvaða landi er annars bærinn Ystad?

***

Seinni aukaspurning:

Hvaða ár var þessi fræga ljósmynd tekin? 

***

Svör við aðalspurningum:

1.  Kakó.

2.  Fílar.

3.  Til Egilsstaða.

4.  Til Hafnar.

5.  Sjö.

6.  Obama.

7.  Broccoli.

8.  Makedóníu.

9.  Wallander.

10.  Svíþjóð.

***

Svör við aukaspurningum:

Á efri myndinni eru útlínur Argentínu.

Neðri myndin var tekin við Torg hins himneska friðar árið 1989.