Bæj­ar­yf­ir­völd í Þor­láks­höfn munu fá á bil­inu 327 til 547 millj­ónir króna í gjöld frá þýska sem­ents­fyr­ir­tæk­inu Heidel­berg fyrir afnot af höfn­inni í bænum ef bygg­ing möl­un­ar­verk­smiðju fyr­ir­tæk­is­ins verður að veru­leika. Þá er gert ráð fyrir því að á milli 60 og 70 störf skap­ist með til­komu verk­smiðj­unnar og að fast­eigna­gjöld sem Heidel­berg greiðir til sveit­ar­fé­lags­ins verði á bil­inu 100 til 125 millj­ónir króna. Þetta er meðal þeirra nið­ur­staðna sem fram koma í mati end­ur­skoð­enda­fyr­ir­tæk­is­ins KPMG á efna­hags­legum áhrifum verk­smiðju Heidel­berg í Þor­láks­höfn. Matið var unnið fyrir hönd Heidel­berg og kynnti þýska félagið það í gær. 

Þor­steinn Víglunds­son, fyrr­ver­andi ráð­herra og tals­maður Heidel­berg, skrif­aði grein á vef­mið­il­inn Hafn­ar­fréttir þar sem hann greindi frá meg­in­nið­ur­stöðum KPMG. Í grein­ingu KPMG segir að til­gangur skýrsl­unnar sé ein­göngu að greina efna­hags­lega þætti fram­kvæmd­ar­innar: „Markmið þess­arar sam­an­tektar er að greina og varpa ljósi á mögu­leg efna­hags­leg áhrif af bygg­ingu og rekstri möl­un­ar­verk­smiðju í Þor­láks­höfn sem fyr­ir­huguð er á vegum HeidelbergCement Pozzolanic ehf.“

Í versmiðj­unni stendur til að mala móberg úr námum í nágrenni Þor­láks­hafnar sem nota á í sem­ent. Heidel­berg ætlar að vinna um 1,5 til 2,5 af móbergs­muln­ingi með þessum hætti árlega og flytja úr landi. 

Heidelberg þarf að snúa íbúum Ölfuss

Bygging verk­smiðj­unnar er umdeild í sveit­ar­fé­lag­inu og eru ríf­lega tvö­falt fleiri á móti henni en eru fylgj­andi fram­kvæmd­inin. Frá þess­ari greindi Heim­ildin í síð­ustu viku og byggði hún á við­horfskönnun sem Maskína vann fyrir blaðið. Einn af bæj­ar­bú­unum sem berst gegn verk­smiðj­unni er Ása Berglind Hjálm­ars­dóttir sem hefur sagt við Heim­ild­ina að hún vilji ekki að Þor­láks­höfn verði verk­smiðju­bær. 

Heidel­berg bíður því það verk að reyna að breyta fyr­ir­hug­uðum fram­kvæmdum við verk­smiðj­una þannig að hún hugn­ist íbúum Ölfuss betur þar sem fyrir liggur að verk­smiðjan verður sett í íbúa­kosn­ingu í sveit­ar­fé­lag­inu. Nið­ur­stöðu mats KPMG fyrir Heidel­berg kemur í kjöl­farið á þess­ari við­horfskönnun. 

Segja tekjur  Ölfuss verða á bilinu 500 til 800 milljónir

Í nið­ur­stöðum KPMG kemur fram að áætl­aðar tekjur sveit­ar­fé­lags­ins af verk­smiðj­unni verði á bil­inu 500 til 800 millj­ónir króna á ári.

Áætla mörg hund­ruð millj­óna króna tekjurKPMG áætlar að tekjur sveit­ar­fé­lags­ins Ölfuss af möl­un­ar­verk­smiðj­unni í Þor­láks­hhöfn verði milli tæp­lega 500 og 800 millj­óna árlega. Þetta er ein af nið­ur­stöð­un­unum úr mati sem unnið var fyrir Heidel­berg.

Á nið­ur­stöð­uglæru um áætl­aðar tekjur sveit­ar­fé­lags­ins segir um þetta: „Taflan hér til hliðar dregur saman helstu tekju­liði Ölfuss af fyr­ir­hug­uðu verk­efni. Útreikn­ingar er settir fram miðað við þrjár sviðs­myndir sem byggðar eru á lægri, mið og hærri mörkum tekju­lið­anna sam­kvæmt fyrr­greindum for­sendum. Þannig má ætla að heild­ar­tekjur sveit­ar­fé­lags­ins af starf­sem­inni verði á bil­inu 489-789 m.kr. á ári, sem sam­svarar 22-35% aukn­ingu tekna ef miðað er við sömu tekju­liði árið 2021.“

Heildelberg íhugar að flytja verksmiðjuna

Heidel­berg hefur einnig kynnt hug­myndir um að færa verk­smiðj­una út fyrir Þor­láks­höfn og koma henni fyrir vestan við bæinn. Andstaða bæj­ar­búa í Þor­láks­höfn bygg­ist meðal ann­ars á því að verk­smiðjan á að vera inni í bænum. 

Þá hefur þýska félagið einnig sagt að mögu­lega muni það reisa nýja höfn við verk­smiðj­una fyrir utan bæinn og að þannig muni félagið ekki þurfa að nota höfn­ina í Þor­láks­höfn til að flytja út móbergið.