Mynd: b'Gunnar Freyr Steins­son'

Jólatónleikar Sinfóníunnar

Hvar? Eldborg, Hörpu

Hvenær? 17. og 18 des­em­ber kl. 14 og 16.

Miðaverð? 3.300–3.900 krónur

Hátíð­leik­inn er í fyr­ir­rúmi á Jólatón­leikum Sin­fón­íu­hljóm­sveitar Íslands ár hvert þar sem hljóm­sveitin flytur sígildar og heill­andi jóla­perlur fyrir alla fjöl­skyld­una.

Á tón­leik­unum í ár hljómar fjöl­breytt tón­list sem hefur verið ómissandi í jóla­hald­inu. Ein­söngv­ar­arnir Alex­ander Jarl Þor­steins­son, Björk Níels­dóttir og Kolbrún Völku­dóttir ásamt Stúlkna­kór Reykja­víkur, Kam­merkórnum Aurora og Bjöllukór Tón­list­ar­skóla Reykja­nes­bæjar flytja sígildar jóla­perlur með sveit­inni. Dansarar úr List­dans­skóla Íslands svífa um Eldborg og Skóla­hljóm­sveit Aust­ur­bæjar og Suzuki-fiðlu­hópur stíga einnig á svið.

Hljóm­sveit­ar­stjóri er Mirian Khuk­huna­is­hvili og kynnir er trúð­ur­inn Barbara, leik­inn af Halldóru Geir­harðs­dóttur. Þetta eru tón­leikar fyrir jóla­börn á öllum aldri. Tón­leik­arnir eru túlk­aðir á tákn­máli.

Hátíðartónleikar Bríetar

Hvar? Menn­ing­ar­hús­inu Hofi Akureyri

Hvenær? 18. des­em­ber kl. 21

Miðaverð? 5.900 krónur

Tón­list­ar­konan Bríet ætlar að halda hátíð­lega kósítón­leika með kærast­anum sínum, Rubin Pollock, og besta vini hans, Þorleifi Gauki, og skapa ein­staka stemn­ingu. Á efn­is­skrá verða lög Bríetar af hennar fyrstu plötu, „Kveðja, Bríet“, í rólegum bún­ingi ásamt vel völdum jóla­lögum. Ekki missa af þessu tæki­færi til þess að losna frá öllu stress­inu í aðdrag­anda jól­anna og hlusta á ljúfa tóna.

Karíus og Baktus

Hvar? Frey­vangs­leik­húsið

Hvenær? Frá 10. des­em­ber til 18. des­em­ber

Miðaverð? 2.500 kr.

Núna eru þeir bræður Karíus og Baktus að fara á svið í Frey­vangs­leik­hús­inu í fyrsta skipti. Félag­arnir Ormur Guð­jóns­son og Eyþór Daði Eyþórs­son leika þá bræður og fara að sögn á kostum sem tann­tröllin sem finnst ekk­ert skemmti­legra en að borða sæt­indi og höggva í tennur. Sögu­mað­ur­inn kemur líka fyrir á svið­inu; leik­inn af hinum þaul­reynda Jóni Friðriki Ben­ón­ýs­syni (Bróa). Svo er það tann­burst­inn, sem er leik­inn af Ingimar Badda. Burstinn fer mik­inn um sviðið til að hreinsa tennur og vippar sér svo í tann­lækna­bors­líki og lagar tennur, rétt áður en hann kemur aftur inn á sem tann­bursti og tekur síð­ustu hreinsun á tann­garði Jens. Hljóm­sveit­ina skipa Reynir Schiöth píanó­leik­ari, Gunnar Möller og Eiríkur Bóasson bassa­leik­arar. Verkið hefur þró­ast í áranna rás en boð­skap­ur­inn er alltaf sá sami: Hugsaðu vel um tenn­urnar þínar.

Jóli Hólm

Hvar? Bæjarbíó/Sviðið, Selfossi/Hamrar, Ísafirði

Hvenær? 27 dag­setn­ingar

Miðaverð? 7.990 krónur

Nú ætlar Sóli Hólm, skemmti­kraftur og eft­ir­herma, að fylla hjörtu lands­manna af birtu og gleði á aðvent­unni með splunku­nýrri jóla­sýn­ingu: Jóli Hólm! Honum til halds og trausts verður Halldór Smárason píanó­leik­ari en hann hefur verið kall­aður undra­barnið frá Ísafirði af máls­met­andi mönnum innan tón­list­ar­sen­unnar á Íslandi.

„Við fórum af stað 24. nóv­em­ber og þetta gengur fárán­lega vel. Þarna er ég að blanda saman uppi­standi og miklum söng og ég held að mér sé bara óhætt að segja að þetta sé dúnd­urstuð. Desember mun taka á en sem betur fer finnst okkur Halldóri, tón­list­ar­stjóra sýn­ing­ar­innar, þetta rosa­lega gaman,“ segir Sóli.

Kvöldvaka með Jóni Gnarr

Hvar? Borg­ar­leik­húsið

Hvenær? 10., 17. og 27. des­em­ber og 14. jan­úar

Miðaverð? 7.200 krónur

Jón Gnarr snýr aftur á svið Borg­ar­leik­húss­ins með Kvöld­vökur sínar þar sem hann segir áhorf­endum sannar en lygi­legar sögur frá við­burða­ríkum ferli sínum. Jón hefur komið víða við með Tvíhöfða, Fóst­bræðrum, sem uppi­stand­ari, leik­skáld, rit­höf­undur og auð­vitað sem borg­ar­stjóri Reykja­víkur svo eitt­hvað sé nefnt. Óhætt er að segja að fá hafa aðrar eins sögur að segja og hann.

Á Kvöld­vök­unni mun sagna­mað­ur­inn Jón, líkt og áður, segja sögur úr sínu lífi og má með sanni segja að sumt af því sem hann hefur upp­lifað er alveg hreint lygi­legt. Hver Kvöld­vaka er ein­stök upp­lifun og algjör­lega á valdi örlaga­norn­anna. Ekki vinnst tími til að segja frá öllu og því eru sög­urnar, sem sagðar eru, dregnar blind­andi upp úr pípu­hatti töfra­manns­ins og hvert kvöld verður ein­stök upp­lifun þar sem sagna­hefðin og frá­sagn­ar­gleðin mun ráða ríkjum.

Áramótaskop 2022

Hvar? Háskóla­bíói, Reykja­vík  /  Hjóma­höll, Reykja­nesbæ  /  Hótel Selfossi, Selfossi  /  Hótel Vala­skjálf, Egils­stöðum  /  Hofi, Akureyri

Hvenær? Hljóma­höll 15. des.  /  Hótel Selfoss 16. des.  /  Hótel Vala­skjálf 17. des.  /  Hof 18. des.  /  Háskóla­bíó: 26. des. til 7. jan. 2023

Miðaverð? 6.900–7.900 krónur

Ari Eldjárn kveður árið 2022 með ógleym­an­legri uppi­stands­sýn­ingu sinni, Ára­móta­skop.

Þetta er í sjötta sinn sem þessi geysi­vin­sæla sýn­ing Ara er sett á svið en síð­ast seld­ust allar sýn­ingar upp. Um 20.000 manns mættu á sýn­ingar víðs vegar um landið í fyrra til að kveðja gamla árið með hlátra­sköllum. Hver sýn­ing er ein­stök og mun áherslan vera lögð á að kveðja árið með eft­ir­minni­legum hætti í bland við annað efni.

„Ára­móta­skopið er upp­skeru­há­tíðin mín fyrir árið sem er að líða,“ segir Ari. „Þetta er í 6. skipti sem sýn­ingin er haldin síðan 2016 og ég stefni á að halda hana árlega þangað til ég verð 93 ára gam­all.“