Nour Ahmad, átján ára strákur frá Afganistan, var sof­andi þegar tveir lög­reglu­menn börðu á hurð­ina hjá honum um miðja nótt í Bæj­ar­hrauni í Hafn­ar­firði þar sem hann dvaldi í búsetu­úr­ræði fyrir umsækj­endur um alþjóð­lega vernd.

„Ég vakn­aði við fyrsta bankið og svo héldu þeir áfram þar til ég opn­aði dyrnar. Þeir kynntu sig sem lög­reglu­menn og sögðu mér að ég væri að fara aftur til Grikk­lands,“ segir hann. Því næst pakk­aði hann niður því litla sem hann átti og var svo fylgt á lög­reglu­stöð­ina á Hlemmi þar sem dótið hans var tekið, honum komið fyrir í her­bergi þar sem hann var í sól­ar­hring eða þar til honum var vísað úr landi. „Þetta var mjög erfitt, ég var svo hræddur við að fara aftur til Grikk­lands. Eina sem ég gat hugsað var; ef ég fer til baka, hvað á ég að gera? Ég á engan að í Grikk­landi og það …