Lovísa Ösp var í sam­bandi með manni í eitt ár sem beitti hana ofbeldi nær allan tím­ann. Hún segir Eddu Falak frá þessu tíma­bili og því sem hún hefur gengið í gegnum eftir að sam­band­inu lauk í nýjasta þætti Eigin kvenna. „Hann var bara minn klettur þótt þetta hafi verið svona ljótt þá sagði ég honum allt,“ segir Lovísa Ösp þegar hún lýsir því hve flókið það hafi verið að vera ást­fangin af manni sem beitti hana ofbeldi.

Lamdi hana með skóLovísa Ösp sendi Eddu Falak nokkrar þeirra mynda sem hún tók eftir að mað­ur­inn beitti hana ofbeldi. Hún gaf Stund­inni leyfi til að birta mynd­irnar.

Hún segir að hann hafi oft verið „ynd­is­legur“ og þess vegna hafi hún ekki farið eftir að hann lagði á hana hendur í fyrsta sinn en þá voru þau búin að vera saman í einn mánuð.  „Maður heldur alltaf að  hann verði betri og líka, við vorum með svo góð til­finn­inga­leg tengsl, höfum farið í gegnum margt á ævinni og tengdum bara í gegnum það. [...] Þetta er brotið sjálfs­traust, mér finnst hann ógeðs­lega fal­legur og ef hann væri ekki ofbeld­is­mann­eskja væri hann full­kom­inn, við erum með sömu áhuga­mál, við hlustum bæði á tón­list, hann gerir tón­list og þetta var bara eins og í bók, ævin­týra­bók ein­hvern veg­inn.“

Forðaðist að veita henni áverka á andliti 

Lovísa segir að fyrsti mán­uð­ur­inn þeirra saman hafi verið dásam­legur,  eins­konar hveiti­brauðs­dagar en eftir fyrstu árás­ina hafi ofbeldið stig­magn­ast.

„Hann sagði aldrei fyr­ir­gefðu, hann bara hlúði að mér þegar þetta var búið,“ segir Lovísa Ösp. Hún seg­ist fljótt hafa áttað sig á að kærast­inn hennar fyrr­ver­andi missti stjórn á skapi sínu þegar hann var á  „nið­ur­túr“ en þau hafi bæði verið í mik­illi fíkni­efna­neyslu.

Samkvæmt lýs­ingum Lovísu Aspar virð­ist mað­ur­inn hafa haft stjórn á gjörðum sínum því hún segir að hann hafi gætt sín á því að áverk­arnir sæj­ust ekki. 

„Þetta var alltaf á hönd­unum eða fót­unum, hann pass­aði sig með and­litið en ég fékk glóð­ar­auga einu sinni og ég man eftir því, þá var hann að lemja mig og síðan kemur högg á augað á mér og þá bara: Fokk, sorrí. Hann kom með klaka og það var eins og hann hafi ekki gert sér grein fyrir því hvað hann væri að gera,“ segir Lovísa Ösp og bætir við að hún hafi keypt sér langerma­boli til að fela áverk­ana.

Mætti skilningsleysi 

Lovísa Ösp segir að lýs­ingar á svo­kall­aðri sjúkri ást eigi mjög vel við um sam­band þeirra, sér­stak­lega upp­haf þess því það hafi þró­ast mjög hratt og hann hafi flutt inn til hennar nokkrum dögum eftir að þau kynnt­ust.  „Ég átti ógeðs­lega erfitt með að trúa að þetta væri að ger­ast fyrir mig. Við pössuðum svo ógeðs­lega vel saman, þegar hann er í góðu standi þá er hann full­kom­inn. Ég hugsa enn til hans og ég sakna hans, ég er ennþá ógeðs­lega með­virk.“

Lovísa seg­ist víða hafa mætt skiln­ings­leysi, fólk hafi sagt að hún hefði átt að fara frá honum um leið og hún átt­aði sig á að hún var í ofbeld­is­sam­bandi. En þetta sé ekki svona ein­falt. „Þú myndir aldrei ef þú myndir fara á fyrsta deit með strák og hann myndi slá þig á fyrsta deiti, þá myndir þú vænt­an­lega aldrei hitta hann aftur. En hann var búinn að byggja upp traust og ég hélt nátt­úru­lega að þetta væri bara lífið skil­urðu.“  

Hún seg­ist oft hafa hugsað um að fara frá honum á þessu tíma­bili. „Ég átti mjög erfitt. Það var eig­in­lega hann sem slút­t­aði þessu, út af því að ég kunni ekki neitt annað, ég elska þann sem ég er með í sam­bandi, sama hvað.“ 

Hún segir að það hafi ekki verið fyrr en hún fór í með­ferð vegna fíkni­vand­ans sem hún hafi áttað sig á alvar­leika ofbelds­ins. Hún seg­ist þá hafa ákveðið að kæra hann til lög­reglu til að reyna að koma í veg fyrir að hann beitti fleiri stelpur ofbeldi. Kæruna lagði hún fram í byrjun árs en seg­ist ekk­ert hafa heyrt frá lög­reglu síðan þá. „Ég er með svo mikið af gögnum sem benda til að þetta var alvar­legt og ég er nátt­úru­lega með myndir, ég tók ekki alltaf en alveg nóg af myndum.“ 

Hún seg­ist vera á bata­vegi en fyrstu mán­uð­ina hafi hún átt erfitt með að sofa ein og þess vegna hafi hún fengið sér kött. Hún fái enn martraðir og seg­ist ekki enn treysta karl­mönnum. „Það er búið að vera frekar erfitt fyrir mig núna sein­asta árið að finna ein­hvern. Mér líður eins og allir séu að nota mig.“

Lovísa segir að mamma sín hafi hjálpað sér með ráðum og dáð. „Hún er búin að vera eins og klettur fyrir aftan mig,“ segir hún en bætir við að þegar hún líti til baka eigi hún erfitt með að sætta sig við að sumar vin­konur og vinir hafi snúið við henni baki.  Hún hvetur ást­vini þolenda heim­il­is­of­beldis til að reyna að vera til staðar. 

 „Ekki loka á hana út af þessu. Út af það gerð­ist alveg við mig, út af því að þetta var að ger­ast aftur og aftur og vinir mínir voru orðnir þreyttir og skildu ekki af hverju ég væri ekki búin að fara en þetta er svo miklu meira en að segja það. Þetta eru bara til­finn­ing­arnar, maður er svo fastur og trúir því ekki að þetta muni verða betra en þetta er ekk­ert líf, að vera barin á þriggja vikna fresti,“ segir Lovísa Ösp og bætir við að það sé mjög mik­il­vægt að sýna þolendum heim­il­is­of­beldis mildi.  „Ég myndi segja að það væri númer eitt, tvö og þrjú af því að þú getur ekki leitt neinn til að gera eitt­hvað þótt það sé betra fyrir mann. Maður verður svo ógeðs­lega blindur og þú veist, ég hélt að þetta væri bara lífið en ég myndi segja öðrum konum, ja konum eða körlum, að vera  með mildi, spyrja:  Hvernig hef­urðu það, hvernig ertu í dag - bara basic sam­skipti út af því að maður verður svo ein­angr­aður,“ segir Lovísa Ösp Helga­dóttir.