Fyrri aukaspurning:
Hver er töffarinn hér að ofan?
***
Aðalspurningar:
1. „Eigi skal gráta ...“ hvern?
2. Heldur skyldi gera hvað?
3. Hver eða hverjir höfðu ráðið niðurlögum þess sem eigi skyldi gráta?
4. Hvaða hljómsveit sendi árið 1966 frá sér plötuna Revolver?
5. 28 árum síðar, 1994, sendi önnur hljómsveit frá sér plötuna Parklife. Hvaða hljómsveit var það?
6. Árið 1990 fór söngkona ein fyrir Íslands hönd í Eurovision og þá sem partur af hljómsveit. Tveim árum seinna var hún aftur mætt í Eurovision og nú sem hluti af dúói. Og enn öðrum tveim árum síðar, 1994, fór hún í Eurovision en þá í eigin nafni sem lagið Nætur. Hvaða söngkona er þetta?
7. Friðrik Karlsson tónlistarmaður hefur margt afrekað um ævina og spilað geysimikið, enda þykir hann einkar flinkur á ... hvaða hljóðfæri?
8. Friðrik hefur í áratugi ekki síst verið tengdur hljómsveit sem náði býsna hátt á breskan vinsældalista 1983 en hefur síðan alltaf farið reglulega um heiminn og spilað, þótt minna hafi borið á en hér fyrrum. Hvað heitir sú hljómsveit?
9. Superior, Michigan, Huron, Erie og Ontario. Hvaða listi er þetta?
10. „Þei þei, þei þei. Þaut í holti tófa ...“ en hvað svo?
***
Seinni aukaspurning:
Hvað er athugavert við þessa mynd?
***
Svör við aukaspurningum:
1. Björn bónda.
2. Safna liði.
3. Englendingar.
4. Bítlarnir.
5. Blur.
6. Sigríður Beinteinsdóttir.
7. Gítar.
8. Mezzoforte.
9. Vötnin miklu á mótum Bandaríkjanna og Kanada.
10. „Þurran vill hún blóði væta góm.“
***
Svör við aukaspurningum:
Á efri myndinni er George Michael söngvari.
Og neðri myndin — jú, það er rétt, Rasmus Klumpur passar ekki inn í þetta safn af Disney-fígúrum, enda úr allt annarri átt.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir