Versl­ana­keðjan Samkaup, sem rekur meðal ann­ars Nettó, gerir nú til­raun til að skáka Krónunni, sem boð­aði í síð­ustu viku að verðið á 240 vörum yrði fryst fram að ára­mótum.

Í til­kynn­ingu frá Sam­kaupum kemur fram að þau muni „bjóða við­skipta­vinum upp á sam­bæri­legt verð eða lægra en það var í upp­hafi árs“, frá og með mánu­deg­inum síð­asta, á 400 vöru­teg­undum.

Verð­fryst­ing Krón­unnar var bundin við vörur undir merkjum Krón­unnar sjálfrar og First Price. Á sama hátt er verð­lækkun Samkaupa bundin við vörur frá merkjum Ängla­mark og X-tra.

Gunnar Egill Sig­urðs­son, for­stjóri Samkaupa, segir í til­kynn­ing­unni að „gríð­ar­legar verð­hækk­anir“ frá inn­lendum fram­leið­endum og birgjum skrif­ist á „litla sam­keppni, sterka stöðu fárra stórra birgja og vernd­ar­tolla á íslenskri fram­leiðslu, til að mynda á mjólk og kjöti“.

Fram kemur að Samkaup hafi síð­asta haust sent bréf á alla sína birgja og sam­starfs­að­ila þar sem „kallað var eftir sam­starfi til að spyrna gegn hækk­unum í vöru­verði án nokk­urra und­ir­tekta“.

For­stjór­inn segir Samkaup sömu­leiðis hafa sent bréf á 10 stærstu birgja í lok sum­ars og lagt til 5% verð­lækkun til ára­móta, sem gæti skilað sér beint til við­skipta­vina, „einnig án nokk­urs árang­urs“.

„Við furðum okkur á þessu og ekki síður á aðgerða­leysi hins opin­bera, óbreyttum álögum á bens­íni og að ekki sé afnum­inn virð­is­auki á lyk­il­dag­vöru, til að mynda á bleium og barna­mat til að koma til móts við ungar barna­fjöl­skyldur. Við fögnum þeim sem hafa tekið af skarið og fryst eða lækkað verð og höldum áfram að kalla eftir við­brögðum birgja, fram­leið­enda og ekki síður hins opin­bera,“ segir Gunnar Egill.